Ин бозии даври дуюм дар гурӯҳи «Е» шаби 23-юми сентябр дар Варзишгоҳи марказии шаҳри Душанбе баргузор шуд. Масрур Ғафуров ду гол зад, як голи дигарро Билол Бобоев ба самар расонд.
Бозии дигари даври дуюм дар ин гурӯҳ миёни дастаҳои ҷавонони Кореяи Шимолӣ ва Малайзия бо ҳисоби 0:0 хотима ёфт.
Дар ҳамин ҳол дар ҷадвали гурӯҳи “Е” дастаҳои Кореяи Шимолӣ ва Малайзия бо 4-имтиёзӣ мутаносибан ҷойҳои якуму дуюмро касб кардаанд. Мунтахаби Тоҷикистон, ки танҳо як бозӣ анҷом додааст, бо се имтиёз дар ҷойи сеюм қарор дорад. Тими Шри-Ланка бидуни имтиёз дар ҷойи охирин аст.
Дар даври баъдӣ рӯзи чоршанбеи 25-уми сентябр мунтахаби ҷавонони Тоҷикистон бо ҳамсолони худ аз Кореяи Шимолӣ бозӣ хоҳад кард. Пеш аз ин бозӣ дар Варзишгоҳи марказии Душанбе дастаҳои Умон ва Шри-Ланка ба рақобат мепардозанд.
Сармураббии тими мунтахаби ҷавонони Тоҷикистон Милош Костич, мутахассиси словенӣ, дар нишасти хабарӣ гуфт, ки вазифаи даста дарёфти роҳхат ба марҳилаи ниҳоии Ҷоми Осиё-2025 аст.
Бар асоси натоиҷи марҳилаи интихобӣ ғолибони даҳ гурӯҳ ва панҷ дастаи нишондодҳояшон беҳтари зинаҳои дуюм ба қисми ниҳоии Ҷоми Осиё-2025 роҳхат мегиранд.
Марҳилаи ниҳоии Ҷоми Осиё-2025 байни дастаҳои ҷавонони то 20-сола аз 6-ум то 23-юми феврал дар Чин баргузор мешавад.
Мусобиқаи интихобии Ҷоми Осиё-2025 (U-20)
Гурӯҳи «Е»
Тоҷикистон
Умон
Малайзия
Шри-Ланка
Кореяи Шимолӣ
Даври якум
21-уми сентябр (шанбе)
Малайзия – Умон – 2:1
Кореяи Шимолӣ - Шри-Ланка – 4:0
Даври дуюм
23-юми сентябр (душанбе)
Кореяи Шимолӣ – Малайзия – 0:0
Шри-Ланка – Тоҷикистон – 0:3
Голҳо: Билол Бобоев, 2 (0:1). Масрур Ғафуров, 45+2 (0:2). Масрур Гафуров, 54 – аз пеналти (0:3).
Беҳтарин бозигари дидор: Масрур Ғафуров (Тоҷикистон).
23-юми сентябр. Душанбе. Варзишгоҳи марказии ҷумҳуриявӣ, 2345 тамошобин.
Мавқеи дастаҳо дар ҷадвали мусобиқа
|
Ҷ |
Даста |
Б |
Ғ |
М |
Б |
Т |
И |
|
1 |
Кореяи Шимолӣ |
2 |
1 |
1 |
0 |
4-0 |
4 |
|
2 |
Малайзия |
2 |
1 |
1 |
0 |
2-1 |
4 |
|
3 |
Тоҷикистон |
1 |
1 |
0 |
0 |
3-0 |
3 |
|
4 |
Шри-Ланка |
2 |
0 |
0 |
2 |
0-7 |
0 |
Даври сеюм
25-уми сентябр (чоршанбе)
17:00 – Умон - Шри-Ланка
20:00 – Тоҷикистон – Кореяи Шимолӣ
Даври чорум
27-уми сентябр (ҷумъа)
17:00 – Умон – Кореяи Шимолӣ
20:00 – Малайзия – Тоҷикистон
Даври панҷум
29-уми сентябр (якшанбе)
17:00 – Шри-Ланка - Малайзия
20:00 – Тоҷикистон – Умон
