Gazetarët e REL-it nën zjarrin e artilerisë ruse

Një ekip i Radios Evropa e Lirë po xhironte dhjetëra kilometra larg vijës së frontit, në rajonin e Donjeckut, në Ukrainë, kur ata papritmas u tronditën nga shpërthime. Gazetaret Yevheniia Kytaiva dhe Anna Kudriavtseva shpëtuan, dhe nxituan t’u jepnin ndihmën e parë ushtarëve të plagosur ukrainas. Disa muaj pas incidentit, gazetaret i janë kthyer materialit bruto, të xhiruar gjatë kaosit dhe hutimit, për të treguar historinë e asaj dite. Koha e saktë dhe vendndodhja e incidentit nuk mund të zbulohet, për shkak të kufizimeve të vëna nga ushtria ukrainase. (Përgatiti: Trim Haliti)