Lexues të nderuar,
Këtu po e mbyllim mbulimin e drejtpërdrejtë të paradës ushtarake në Beograd, e cila u zhvillua në një kohë kur Serbia është përballur me protesta të vazhdueshme antiqeveritare.
Gjatë paradës, e cila u vëzhgua nga presidenti i vendit Aleksandar Vuçiq, parakaluan mijëra trupa serbe dhe u shfaq armatimi i vendit, nga autoblindat te avionët luftarakë.
Parada u mbajt në një kohë protestash masive antiqeveritare në Serbi, të nxitura nga vdekja e 16 njerëzve në një aksident në Novi Sad nëntorin e kaluar.
Zyrtarët serbë e mohuan se parada ushtarake kishte motive politike dhe parada u mbajt nën sloganin "Forca e Unitetit".
Njëkohësisht, një grup qytetarësh, me thirrjen e studentëve protestues, u mblodhën "në mbështetje të ushtrisë", por ata nuk u lejuan nga policia të afoheshin afër paradës.
Në paradë nuk pati fytyra shumë të njohura apo të rëndësishme nga bota e politikës.
Në mesin e atyre që morën pjesë ishin, presidenti i Emirateve të Bashkuara Arabe Mohammed bin Zayed, anëtari i familjes mbretërore të Bahreinit Nasser bin Hamad, aktori Steven Seagal, si dhe ish-presidenti i entitetit serb të Bosnjës, Millorad Dodik.
Faleminderit që na ndoqët!
Përfundon parada ushtarake
Parada ushtarake në Beograd përfundoi me shfaqjen e flotës ajrore të vendit.
Gjatë kësaj shfaqje fluturuan avionë luftarakë MiG-29 mbi zonën ku u mbajt parada ushtarake.
Ata u shoqëruan nga avionë bombardues "Shqiponja", të ndjekur nga një fluturim i avionëve transportues "Supergaleb" dhe avionëve stërvitorë "Lasta".
Anëtarët e Brigadës së 63-të të Parashutistëve kryen një kërcim me parashutë.
Kush ishin të ftuarit që morën pjesë në paradë?
Në paradën ushtarake të Serbisë në Beogard nuk pati fytyra shumë të njohura apo të rëndësishme nga bota e politikës.
Në mesin e atyre që morën pjesë ishin, presidenti i Emirateve të Bashkuara Arabe Mohammed bin Zayed, anëtari i familjes mbretërore të Bahreinit Nasser bin Hamad, aktori Steven Seagal, si dhe ish-presidenti i entitetit serb të Bosnjës, Millorad Dodik.
“Ushtria dhe studentët”
Teksa kalojnë tanket dhe mjetet luftarake, qytetarët dhe studentët, të rrethuar nga kordoni policor, brohorasin “Ushtria dhe studentët” dhe përshëndesin ushtarët.
Situata është e qetë, raporton gazetarja e REL-it.
