Një projekt për ndërtimin e një kompleksi, i udhëhequr nga Jared Kushner, dhëndri i presidentit amerikan, Donald Trump, është në rrugë për t’u bërë realitet në kryeqytetin serb. Mirëpo, protestuesit po bëjnë thirrje që ndërtesa e shkatërruar në luftë të mbetet si qendër përkujtimore për fushatën bombarduese të NATO-s kundër Jugosllavisë së dikurshme. (Përgatiti: Krenare Cubolli)
Kulla Trump në Beograd: Monumenti i bombarduar nga NATO-ja, në qendër të mosmarrëveshjes
1
Ndërtesa e Shtabit të Përgjithshëm të ushtrisë në qendër të Beogradit, e fotografuar pak pas ndërtimit, më 1965.
Objekti ishte menduar për të qenë seli e ushtrisë jugosllave, dhe ishte projektuar për të imituar kanionet që rrethojnë lumin Sutjeska në Bosnje dhe Hercegovinën e sotme, ku ishte zhvilluar një betejë e rëndësishme në Luftën e Dytë Botërore.
Objekti ishte menduar për të qenë seli e ushtrisë jugosllave, dhe ishte projektuar për të imituar kanionet që rrethojnë lumin Sutjeska në Bosnje dhe Hercegovinën e sotme, ku ishte zhvilluar një betejë e rëndësishme në Luftën e Dytë Botërore.
2
Zjarri i lëshuar nga një sistem gjurmues kundërajror mbi Beograd në natën kur ndërtesa e Shtabit të Përgjithshëm është goditur nga dy sulme të ndara me raketa të NATO-s, më 29 prill 1999. Sulmet janë kryer në kohën e fushatës bombarduese gjatë luftës në Kosovë.
3
Ndërtesa e Shtabit të Përgjithshëm, menjëherë pas sulmeve të kryera nga NATO-ja në prill të vitit 1999. Në ndërtesë nuk ka pasur njerëz, mirëpo dy njerëz janë vrarë në rrugën në afërsi. Ndërtesa është goditur sërish nëntë ditë më vonë, në disa sulme të ndara.
4
Rrënojat në rrugët në afërsi të ndërtesës së Shtabit të Përgjithshëm në qendër të Beogradit, pas sulmit të dytë ndaj objektit në natën e 7 majit 1999. Presidenti i atëhershëm amerikan, Bill Clinton i ka përshkruar bombardimet e Jugosllavisë si mënyrë “për të ndalur një ofensivë edhe më të përgjakshme kundër civilëve të pafajshëm shqiptarë në Kosovë“, nga ana e forcave serbe.
