Gabimet gjatë votimit
Ju që keni vendosur të votoni sot, keni parasysh këto statistika.
Shumë qytetarë harrojnë të votojnë subjektin e preferuar politik dhe votojnë vetëm kandidatët.
Për këtë arsye, vota shpallet e pavlefshme.
Gabimet gjatë votimit
MI: Të gjitha rrugët janë të kalueshme për qarkullim
Pavarësisht ankesave të qytetarëve të Kosovës për vështirësi në qarkullim për shkak të motit të ftohtë, Gëzim Osmani, nga Departamenti për Menaxhimin e Rrugëve, në Ministrinë e Infrastrukturës, ka thënë për Radion Evropa e Lirë se të gjitha rrugët nacionale dhe rajonale në territorin e Kosovës janë të kalueshme për qarkullim të automjeteve.
“Ministria e Infrastrukturës ka të kontraktuara 14 kompani për shtatë rajone dhe katër kompani për mirëmbajtjen e dy autostradave. Të gjitha kompanitë me automjetet e tyre janë në terren 24 orë. Kështu që rrugët janë të qarkullueshme”, ka deklaruar Osmani.
Temperaturat minimale sot në Kosovë do të lëvizin ndërmjet -11 deri -9 gradë Celsius, ndërsa maksimalet e ditës parashihen të lëvizin ndërmjet -5 deri -3 gradë Celsius.
IKD: Në disa qendra votimi nuk po respektohen masat kundër koronavirusit
Instituti i Kosovës për Drejtësi (IKD) ka publikuar disa fotografi nëpër qendra të votimit, në të cilat nuk po respektohen masat për luftim të koronavirusit.
“Deri më tani, gjatë orëve të para të votimit, në shumë vendvotime është vënë re mosmbajtja e distancës nga një numër i madh i individëve dhe mospërdorimi i maskave. Madje, në disa vendvotime nuk ka të vendosur as dezinfektues duarsh”, është thënë një njoftim.
Si asnjëherë më parë, Kosova po mban zgjedhjet parlamentare në kohë të pandemisë.
Edhe partitë politike janë kritikuar gjatë fushatës zgjedhore se nuk kanë respektuar masat e distancës fizike dhe vendosjes së maskës nëpër shumë takime me qytetarë.
Shihni disa prej tyre.
“S’ka” COVID-19 në kohë zgjedhjesh