Гьал къоязда Владимир Путинил пресс-секретарь Дмитрий Песковас лъазабун букIана Россиялда хIалуцин лъугьинабиялъул мурадалда бакътIерхьул рахъалъул улкабазул информалатал хIадурулел ругин президентасде хъублъи чвалхизе.
1968 соналда Совет Союзалъул микьго гражданинас Москваялъул БагIараб Майданалда протесталъул акция тIобитIана. Гьел разиял рукIинчIо советиял танкаби Чехословакиялде ритиялдаса. Гьанже гьадинабго таваккаллъи гьабизе заман щун буго жакъасеб Россиялда. Президент Владимир Путиница хIалтIизабулеб политикаялде данде чIарал гIадамазул къадар гьедегIан кIудиябищ?
Америкаялъул киноакадемиялъул «Оскаралъе» гIоло къеркьезе рес буго Россиялъул «Левиафан» абулеб фильм. Гьелда бицунеб буго жинхъа кинабго гьабун хIалкIолеб ва гурхIел лъалареб пачалихъалъул машинаялде данде къеркьолев гьитIинав чиясул хIакъалъулъ. РукIана баянал гьеб фильм Россиялда бихьизабизе гьукъизегицин рес бугин абуралги.
Украиналда халат бахъунеб кризисалъ Владимир Путиница нухмалъулеб Россия бачана Магърибалъулгун дандечIеялде. Гьелда бан 2015 сон Россиялъе букIине бегьула гIуралъ захIматаблъун. Гьелдаса кIудияб асар букIине рес буго Рухсаханаялъул Цолъиялъеги ай Таможенияб цолъиялъеги. Гьедин рикIкIунеб буго гьеб ахIвал-хIалалда хадуб хал кколеле цо-цо экспертаз.
Украиналда тIоритIарал президентасул рищязул официалияб хIасил жеги загьирабун гьечIониги, баянлъана ТIадегIанаб Радаялъул депутат ва «шоколадалъул къирал» ян тIокIцIар бугев бизнесмен Петр Порошенко бергьун букIин. Щив гьев кколевали политик хIисабалда? Кинаб бугеб гьесул политикияб бербалагьи?
Украиналда халат бахъунеб политикияб ва экономикияб кризисалъул дандерижи рагIулеб буго кIудияб политикияб асар бугеб Крымалдаги. Нижер радиоялъул мухбирас сапар бухьана гьеб бащдабчIинкIиллъиялде ва гьикъа-бакъи гьабуна дора яшав гьабулел гIадатиял гIадамазда ва жамгIиял хIаракатчагIазда.
Киевалда ва цогидал регионазда чанго нухалъ милициялдаги демонстрантаздаги гьоркьор ккарал тунки-гIусиязда хадуб улкаялъул милиция ва хIинкъигьечIолъиялъул цогидал идарабазул къуватал «свакан» ругин абизе бегьула. КьучI бугищ гьел идарабазул хIалтIухъабаз хадубги президент Виктор Януковичие квербакъи гьабизе букIиналъул?
