Рубрики

Новость часа

МахIмудова ПатIимат

Автор МахIмудова ПатIимат

Июль 07, 2015
Полиция гIахьаллъараб ифтар

Рамазан моцI байбихьаралдаса нахъе Москваялда кIал биччазе бусурбаби данделъарал бакIаздеги рачIун полициялъулаз 200 гIан чи ккун вугин, хIалицаго гьезул килщазул лъалкIал рахъулел ругин ниазм цIунулезин абун лъазабулеб буго жамагIатчагIаз. ГIемерисел гьел ккурал чагIи кколел руго Шималияб Кавказалдаса гIолохъаби. Гьел тадбираз иргадулаб нухалъ бусурбабаздеги кавказалъулаздеги россиялда бугеб квешаб бербалагьи бихьизабулеб бугин абулеб буго экспертаз.
Июль 06, 2015
Щай ккурав Дербенталъул хъулухъчи?

Дербенталъул лъайкьеялъул идараялъул бюджеталдаса 47 миллион гъурущ бикъияда щаклъи букIун ккун вуго гьелъул бетIер. Гьеб гIарцул бутIа щвезе кколелъубе щун гьечIолъиялъ багъарун бугин гьесда сверун ахIи-хIурилан рикIкIунеб буго цо-цо экспертаз. Цойгидаз лъазабулеб буго гьесул ва шагьарлъул цойги чIахIиял хъулхъал Азербайджаналъ абурал чагIи тезе рукIинелъун эркен гьарулел ругилан.
Июль 04, 2015
ГIарац бахъизелъун полициялъ вухун вуго Дагъистаналдаса бизнесчи

Лъабабилеб июлалъул сардилъ щалали лъаларел чагIаз рокъореги рачIун вухун, азарханаялде ккезавун вуго МахIачхъалаялдаса бизнесчи Сулейманов АхIмадхан. Гьел чагIи къуваталъул идарабазул хIалтIухъаби рукIиналда щаклъи буго гьесул, жиндихъа бизнес бахъизе къваригIарас жинде тIаде тIамун ругин гьелилан лъазабулеб буго гьес.
Июль 02, 2015
Блогерас майданалда ритIухълъи тIалаб гьабулеб буго

МахIачхъалаялъул аслияб майданалда пикетги тIобитIун жив викъарал ва вухарал чагIи ралагьеян тIалаб гьабулеб буго блогер Вячеслав Стародубецица. Гьесул разигьечIолъи буго Дагъистаналъул жанисел ишазул идараби хIалтIулел ругеб куцалдаса, гьез жинде тIадекIанцIи гьабурал чагIи ралагьизе хIаракатго бахъулеб гьечIин лъазабулеб буго блогерас.
Июль 01, 2015
Наркотиказе гIоло Дербенталъул мэрасул гIакълучи ккун вуго

30 июналда наркотикал рича-хисиялда щаклъи букIун ккун вуго Дербенталъул мэр Имам Яралиевасул гIакълучи Эльхан Казимов. Цеве къуваталъул идарабазул системаялда батIи-батIиял хъулухъазда хIалтIулев вукIарав гьев Казимовасда гьабичIеб такъсир тIад къотIулеб бугин абулеб буго экспертаз. Шагьаралъул лъайкьеялъул идараялъул бетIерлъун вугев гьесул вацасда хъулухъ тезабизе букIине, гьесде тIадецуй гьабизелъун, ургъунго ккун вуго гьев мэрасул гIакълъучи.
Июль 01, 2015
Дагъистаниязе бацIцIадаб лъим щолеб гьечIо

Дагъистаналда гIумру гьабун ругел гIадамазул лъабил бутIа гурони бацIцIадаб лъедалъун хьезарун гьечIин лъазабуна гьал къоязда Роспотребнадзоралъул вакилзабаз. Аслияб къагIидаялъ чорокаб лъим хIалтIизабизе кколеб буго лъарагIлъиялда ругел гIадамаз. Лъим бацIцIад гьабизе жидер гIарац гьечIин ахIи балеб буго бакIалъул нухмалъиги. Чорокабгицин лъим букIине кколедухъ бачIунеб гьечIин жидеейилан абун руго чанги шагьаразул гIадамалги.
Июнь 29, 2015
Дербенталъул полициялъул бетIер хIалтIудаса вахъун вуго

29 июналда Дагъистаналъул жанисел ишазул министерлъиялъул данделъиялда Дербенталъул полициялъул бетIер Левадин Аваев хъулухъалдаса вахъун вугин лъазабулеб буго гьесда цадахъ хIалтIулез. Аваевасда хIалтIи тезабиялъе аслияб гIиллалъун ккун буго полициялъул хIалтIухъан вухиялда бан гьесда тIад диван гьабизехъин букIин.
Июнь 26, 2015
Хасавюрталъул СИЗОялда чангояв вухун вуго

Хасавюрталъул цIех-рех лъугIизегIан гIадамал жанир тIамулеб туснахъ гьарурал вахIшиго рухун ругин лъазабулеб буго адвокат МухIамадова Сапиятица. Рухаразул гIагарлъиялъухъ ва адвокатазухъ гIинги тIамулеб гьечIо туснахъалъул нухмалъиялъ, гьел рухиялъе гIиллаги бицунеб гьечIо. МухIамадовалъ гьеб лъугьа-бахъиналъе гIайибиял тамихIалде цIайиб абун гIарза хъван буго прокуратураялде.
Июнь 25, 2015
Дербенталъул бутIрузе 2000 сонги гIун гьечIо шагьаралда лъин чIезабизе

Анкьица лъим гьечIого хутIун ругин жалин абун разигьечIого руго Дербенталдаса гIадамал. Кидагоги шагьаралда рукIарал лъел проблемаби гьанже дагьалги цIикIкIун ругин лъазабулеб буго гьез. Дербенталъул 2000 сон кIодо гьабилалда цебе шагьаралда гIадамазе гьарилин лъазабун букIарал рукIа-рахъиналъул санагIалъабиги гьарулел, гьечIо гьез бицухъе. Гьал къоязда лъим бачIинчIони нухги къан митинг гьабизе ракIалда буго гьезда.
Июнь 23, 2015
Генуб цIидасан кьвагьдолел руго

23 июналъул радакьалдаса нахъе Унсоколо мухъалъул Генуб росдада аскIор тIоритIулел хасаб операциялъул хIасилалда лъабго чи чIван вугин лъазабулеб буго Дагъистаналъул къуваталъул идарабаз. Гьел хасал тадбирал лъугIизегIан гендерил туннельги къан бугин, росулъе жаниве къватIиве щивниги чиги виччалев гьечIин лъазабулеб буго бакIалъул гIадамаз.
Июнь 22, 2015
Пенсионер-педофил ккун вуго Дагъистаналда

Дагъистаналда гьал къоязда педофил вукIиналда щаклъи бугев чи ккун вуго. Бащадаб лъагIалица 10 сон барай яс инжит гьаюлей йикIун йигин гьесилан абун лъазабулеб буго цIех-рехчагIаз.
Июнь 20, 2015
Берикеялдаса чIегIерал байрахъазде гъоркье

Гьал къоязда Россиялъул хасал идарабаз кьурал баяназда рекъон «Исламияб пачалихъ» абулеб экстремистияб гIуцIиялъул кьерулъ Шамалда кIиазаргоялдасаги цIикIкIун россиялъулав вагъулев вуго. МухIканал гурел баяназда рекъон гьезда гьоркьов вуго 600гоялдасаги дагъистанияв. Ахираб заманалда жаниб «Исламияб Пачалихъалъул» рахъалда рагъизе унезул къадар цIакъго цIикIкIун бугин лъазабулеб буго экспертаз. Гьедин цохIо Дагъистаналъул Берикей росулъа бащадаб лъагIалида жаниб 40гоялдаса цIикIкIун чи ун вугин гьенив вагъизейилан абурал баянал руго.
Июнь 19, 2015
ТIадмагIаруллъиялъул гьумералъул бацIалъи рихьундерил хIоралъул "матIуялда"

Унсоколо мухъалда бугеб рихьундерил хIор цIакъ чороклъун бугин, гьеб бацIцIад гьабиялъе хIалтIи гьабулеб гьечIин лъицанигийилан абун ахIи балеб буго гьеб мухъалъул гIадамаз. Пачалихъалъ гьеб бацIцIад гьабизе биччараб гIарацги кибе арабали лъалеб гьечIила, гьеб хIорил жавабги цохIониги идараялъ кьолебги гьечIин лъазабулеб буго гьез. Экологазул пикруялда рекъон гьеб лъел чороклъиялъ гIадамазул сахлъиялъе ва гIумруялъе кIудияб хIинкъи буго.
Июнь 18, 2015
Гьанже Ак-Гель хIорги "сверун кколеб" буго ресал кIудияз

МахIачхъалаялда бугеб, Ак-гель хIорил рагIаллъи къанунги хвезабун бакIал разе кьун бугин абун разигьечIолъи буго шагьаралъул гIадамазул. Гьелда бан махIачхъалаялъулаз республикаялъул бетIерасухъе хитIаб гьабун буго, гьеб ишалъе квалквал гьабеян, тIалабги гьабун. Дагъистаналъул прокуратураялъги хIорил рагIалда ралел ругел цо-цо рукъзал къанунги хвезабун ран ругин чIезабун буго, гьелда хурхун цIех-рех лъугIизегIан чанго балеб бугеб бакIалда хIалтIиги чIезабун буго.
Июнь 17, 2015
Балъгоял харжаз туснахъалде рачине бегьула

ГIагараб заманалда Россиялъул пачалихъияб Думаялъул депутатаз, конвертазда жаниб харжал кьолел, фирмабазул бетIергьаби тамихIалде цIаялъул хIакъалъулъ къануналъул халгьабизе буго. Депутатаз лъазабулеб буго Россиялда кьолел харжазул бащалъи бугила гьел конвертахъ лъун кьолел, гьез магъалаби кьунгутIиялъ пачалихъалъул бюджеталъеги кIудияб зарал кколеб бугилан. Дагъистаналъул магъалаби ракIарулеб идараялъул баяналда рекъон, республикаялда жалго бетIергьанал фирмаби ругел чагIазул 20 проценталъ гурони официалияб къагIидаялъ харжал кьолел гьечIо.
Июнь 16, 2015
Къануназул хъаравулзабаз къанун хвезабулеб буго

ИзнугьечIого ярагъ цIуниялъул гIайибги гIунтIизабун туснахъ гьавун вугев МахIачхъалаялъул Котровасул къотноб бугеб мажгиталъул имам хисулев Къурбан Аскандаров къанунги хвезабун жанив тIамун тун вугилан лъазабулеб буго гьесул рахъккураз. Чи ккун хадуб 10 къоялда жаниб гьесде гIайиб гIунтIизабичIони къануналда рекъон гьев эркен гьавизе кколев вуго. Аскандаровасде гIайиб жеги гIунтIизабун гьечIо.
Июнь 15, 2015
Мадугьалзабазе кумек буюри кьун гуреб гьабулеб

Ахирисел баяназда рекъон тIабигIияб балагьалъул хIасилалда хваразул къадар кколеб рагIула 15 чи, зарал ккун буго 37 чиясе, гьездаса гъорлъан лъабгояв вегизавун вуго азарханаялда. Жив киве ккаравалил лъачIого тIагIаравлъун рикIкIунев вуго 20 чи.
Июнь 12, 2015
Щиб къо кколеб дагъистаниязе 12 июнь?

12 июналда Россиялда кIодо гьабулеб буго Россиялъул къо. Байрамалъулал тадбирал тIоритIулел руго киса-кирего. Улкаялъул цойгидал регионаздаго гIадин Дагъистаналдаги кIодо гьабуна гьеб байрам, амма «Эркенлъи» радиоялъ цIех-рех гьабун хадуб гIемерисел гIадамазда гьеб щиб къо кколебалицин лъалеб батичIо, гьезул гIемерисез абулеб буго жидеца гьеб байрам кIодоги гьабуларила, жидее гьеб цохIо гIодобкъолъун кколилан. Бицунеб буго нижер мухбир МахIмудова ПатIиматица.
Июнь 11, 2015
ГьетIараб тIилал рагIад "битIизабизе" кIолищ Яндексалда?

Гьал къоязда Дагъистаналъул печаталъул ва инфомациялъул министерлъиялъги «Яндекс» интернет-компаниялъги къотIи-къай гьабун буго Дагъистаналдаса лъикIал харбал гьезул сайталда цIикIкIун лъезе. Министерлъиялъул вакилзабазул рагIабазда рекъон гьеб цIияб проекталъул Дагъистаналъул сахаб имидж букIинабиялъе кIудияб кIвар букIине буго.
Июнь 10, 2015
НекIсияб Дербенталъул "некIсилъи" хвезабулеб буго

Дербенталъ 2000 сон бай кIодо гьабизе лъабго моцI хутIун буго. Шагьаралъул нухмалъиялъ лъазабулеб буго гьеб байрамалде Дербент цIакъ хIадурулеб бугила, къачIалеб бугила, гьенир шартIал чIезарулел ругилан. Амма «Эркенлъи» радиоялъулгун букIараб гара-чIвариялда бакIалъул гIадамаз абуна шагьаралда киналгIаги хIалтIаби тIаса-масаго, тIалъиялда цебе хIисаб кьеялъе гIоло гьарулел ругилан. Дербенталъул тарихияб рахъ цIуниялъул ва гIадамазе санагIалъаби рукIинариялъул иш хIисабалдего босулеб гьечIилан.

Загрузить еще

XS

SM

MD

LG