هرات چې له ایران سره ګډه پوله لري د کرونا ویروس د لومړنۍ مثبتې پېښې شاهد و. خو د عامې روغتیا وزارت په افغانستان کې د کرونا ویروس د مخنیوي لپاره تر دې دمه څه کړي دي؟ لېمې هادي د افغانستان څلورو ولایتونو چې تر نورو د کرونا ډېرې مثبتې پېښې لري حالاتو ته کتنه کړې ده.
کابل کې د گرځبندیز په دوهمه اوونۍ کې د کورنیو چارو وزارت د کابل اوسېدونکو ته خبرداری ورکړ ترڅو له کورونو ونهوځي. خو هارون د خپلې شپږ کسیزې کورنۍ سرپرست دی وايي اړ دی چې کار وکړي او کورنۍ لپاره نفقه پيدا کړي. د لېمه هادي راپور
د تورخم د ښاروالۍ مسؤلین وایي، د راستنېدونکو مسافرو لپاره په دغه ښارګوټي کې د قرنطین ترتیبات د مسافرو د کچې د زیاتوالي له امله له ستونزو سره مخ شول. په دې اړه سهارګل امیرزی راپور لري.
ډاکتر حنیف دوه ورځې مخکې پر کرونا ویروس د اخته کېدو له امله مړ شو، کورنۍ او همکارانیې د عامې روغتیا پر وزارت انتقاد کوي چې تر اوسهيې د دوی د کرونا ویروس معاینه نهده کړې. نصرت پارسا دغه راپور جوړ کړی دی.
د کندهار د سپین بولدک-چمن ترمنځ د وېش دروازه د کرونا ويروس د مخنیوي په هدف د پاکستان د حکومت له لوري تړل شوې وه، پر مهاليې دواړو لورو ته زرګونه کسان چې زیاترهيې افغان ناروغان وو، بند پاتې وو. صادق رښتیني دا وېډیو راپور برابر کړی
د لوړو زدهکړو ځینو عالي مؤسسو بېلابېلې کړنلارې پیل کړي چې محصلانیې له تحصیله پاتې نهشي. د لوړو زدهکړو وزارت وايي، د نوي برښنايي سیستم په کارولو سره به هېڅ محصل له درسونو څخه لیرې پاتې نهشي.
هر پسرلی، د افغانستان له بېلابېلو برخو څخه زرګونه کورنۍ ګلغنډۍ ته د مېلې او ساتیرۍ لپاره راځي، خو د سږ کال پیل د تېرو کلونو په څېر نهو. احمد هنایش په دې اړه راپور لري چې لېمه هادي یې وړاندې کوي.
د افغانستان د دیني عالمانو د یوې فتوا په اساس له دې وروسته په اذانونو کې "په کورونو کې لمونځ وکړئ" الفاظ هم زیاتېږي. د دې فتوا په اساس خلک باید په کورونو کې لمونځونه ادا کړي.
د کابل ښار والي وايي کوم خلک چې غواړي د تګ راتګ محدودیت نقض کړي، د ساري ناروغیو د انتقال او د نورو خلکو لپاره د خطر په تور حد اقل ۱۸ زره افغانۍ جریمه او حتی بندي به شي. لېمه هادي د کابل ښار له څو سیمو دغه راپور جوړ کړی.
مرسته شوې کڅوړې د کرونا ویروس سره د مبارزې لپاره نن د حمل میاشتې په ۱۴مه نېټه پلازمېنې کابل ته راورسېدې. دغه کڅوړې د مصنوي تنفسي ماشینونو په ګډون ماسک او د ډاکټرانو لپاره محافظتي جامې لري. نور حال د شفیع کریمي په راپور کې چې لېمه هادي یې وړاندې کوي
د کابل ښار منډوي سیمه کې یو شمېر خلک راټول شوي چې دغلته د مکروب ضد درمل وپاشي. د منډوي دکانداران له حکومته غواړي چې باید د دوی د دکانونو کرایه او مالیه معاف شي. د کابل والي وایي؛ د هغو کسانو نه چې دکانونه یې قرنطین دي مالیه او کرایه نهاخیستل کېږي. نور جزئیات د شفیع کريمي په راپور کې
