د امریکا د خونړي برید شکمن، په افغانستان کې سرتېری و

د متحده ایالاو د دفاع وزارت په نیواورلئان ښار کې د چهارشنبې د برید اصلي شکمن شمس‌الدین جبار معرفي کړی او وایي چې له ۲۰۰۹ تر ۲۰۱۰ یې افغانستان کې د سرتېري په توګه خدمت کړی و. د امریکا ولسمشر جوباېډن تېره شپه وویل چې بریدګر له داعش انګېزه اخیستې وه. په دې برید کې ۱۵ تنه وژل شوي او نږدې ۳۰ نور ټپیان شوي دي. بریدګر چې د امریکا تکزاس ایالت اصلي اوسېدونکی و، لومړی یې د ښار په یوه ګډه سیمه کې موټر پر راټولو شویو خلکو ور تاو کړی او بیا یې پرې ډزې کړې دی. نوموړی پخپله د پولیسو په ډزو وژل شوی دی.