د لوګر او میدان وردګ ولایتونو یو شمېر اوسېدونکي وايي،د تېرې شپې سیلابونو دوی ته لوی مالي زیانونه اړولي دي. دوی نن ازادي راډيو ته وویل چې د دغه سیلابونو له امله د دوی کرنیزې ځمکې، باغونه، پلونه او پلچکونه ویجاړ شوي او ان په یو شمېر سیمو کې سړکونه بند شوي دي.
د کډوالۍ نړیوال سازمان IOM ویلي په وروستۍ اونۍ کې له ایرانه له ۸۸ زره ډېر افغان کډوال افغانستان ته ستانه کړل شوي دي. دغه سازمان پرون جمعه په خپله اېکس پاڼه په یو بیان کې ویلي په دې کې ډیرې یې کورنۍ دي چې د اسنادو د نه لرلو له امله له دې هیواده ایستل شوي دي.
په داسې حال کې چې د طالبانو حکومت وخت په وخت د دوی تر واکمنۍ لاندې افغانستان ته د بهرنیو سیلانیاتو د ورتګ خبره کړې، په کابل کې یو شمیر انتیک پلورنکي وايي، دغه هیواد ته د بهرنیانو د سفرونو په کمېدو سره یې بازارونه ساړه شوي دي.
په شمالي وزیرستان کې یوه موټر بم برید لږ تر لږه ۱۳ پاکستاني سرتیري وژلي او ۲۹ سرتیري او ملکیان یې ټپیان کړي دي. د ټپي سرتیرو شمېر ۱۰ او د ټپي شویو ملکیانو شمېر چې ماشومان هم په کې دي، ۱۹ یاد شوی دی. ټي.ټي.پي یا تحریک طالبان پاکستان د برید مسولیت منلی.
د ملګرو ملتونو د ښځو پر وړاندې د تبعیض د لهمنځه وړلو کمېټې د طالبانو تر واکمنۍ وروسته، د لومړی ځل لپاره، د ښځو د حقونو په وړاندې د افغانستان د نړیوالو ژمنو وضعیت ارزولی دی.
په تېرو دوو ورځو کې له ایرانه افغانستان ته د اسلام قلعه بندر له لارې د څه باندې ۴۲ زره افغان کډوالو په بېرته ستنولو سره، هرات ولایت ته یوشمېر راستانه شوي او د دغه ولایت اوسېدونکي ی د جدي ستونزو خبره کړي.
د امریکا د استازو جرګې د جنوبي او مرکزي اسیا د بهرنیو چارو د فرعي کمېټې مشر وایي، له افغانستانه د بایډن ادارې د ناسم وتلو او د طالبانو له بیاواکمنېدو وروسته جنوبي او مرکزي اسیا کې د ترهګریزو ګواښونو کچه په ډراماتیکه بڼه بدله شوې ده.
په افغانستان کې تیرو څلور نیمو لسیزو زیاتو جګړو په میلیونونه کسان وژلي او ټپیان کړي دي. په دې ټپیانو کې داسې کسان هم شامل دي چې دنیا ورته د تل لپاره تیاره شوې او یا هم خاموشه شوې ده. دوی هر یو ځانته خپلې کیسې لري، د غورځېدو او بیرته راولاړېدو هم.
په افغانستان کې د ملګرو ملتونو د سیاسي استازولۍ دفتر (یوناما) وایي، له ایران او پاکستانه د افغان کډوالو د بیرته ستنیدو څپې د افغانستان پر محدودو منابعو فشار راوستی دی.
نور راوښيه
