پاکستاني چارواکي د سیلونو له امله په پنجاب ایالت کې د لږ تر لږه اته ویشت کسانو د مړینې خبر ورکوي.
نن په دوو ورزشی رشتو کې د افغانستان ملي لوبډلې له سیالو ګاونډیو لوبډلو سره مخامخ کېږي. د افغانستان د کرکټ ملي لوبډله به نن شپه په متحده عربي اماراتو کې له پاکستان سره په درې اړخیزه سیریز کې مخ شي او د افغانستان د فوټبال ملي لوبډله به د تاجکستان په حصار ښار ورزشي لوبغالي کې له ایران سره مخامخ شي.
د کډوالو په چارو کې د ملګرو ملتونو عالي کمېشنري (یو ان اچ سي ار) وایي، افغانستان کې د ۲۰۲۱ کال له اګسټ وروسته، طبیعي پېښې او خطرونه یې د بېرته ستنېدوکو او بې ځایه شویو پر وړاندې د ناورینونو اصلي لاملونه دي.
د افغانستان په یو شمیر ولایتونو کې د غرنیو ځنګلونو او څرځایونو د بیا رغونې لپاره رضاکارانه هڅې. دا هڅې د دایکندي ولایت د یو ځوان په نوښت پیل شوي. خو دا ځوان څوک دی، کومو ولایتونو کې دا کارونه ترسره کوي؟ دغه راپور کې یې جزیات اوری.
د اوکراین ولسمشر ولو دیمیر زیلینسکي په کیف باندې د روسیې د توغندیو او ډرون وروستی برید، چې لږترلږه ۲۱ کسان یې ووژل او لسګونه نور یې ټپیان کړل ، پخپله د امریکا په ولسمشر ډونالډ ټرمپ باندې برید وباله. بل خوا سپینې ماڼۍ وویل چې ټرمپ د دې برید په اړه "خوښ نه دی".
څه دپاسه سلو کورنيو او نړیوالو مدني بنسټونو او د بشري حقونو سازمانونو په یو پرانیستي لیک کې یو ځل بیا د ملګرو ملتونو د بشري حقونو شورا له خوا افغانستان لپاره د یو خپلواک نړیوال ځواب ورکونکي میکانیزم پر ژر تر ژره جوړېدو ټینګار کړی دی. دوی په افغانستان کې دبشري حقونو د ناورین په اړه اندیښنه څرګند کړه.
په افغانستان کې پر مذهبي ازادیو د طالبانو حکومت له خوا د محدودیتونو په اړه د نیوکو په دوام، د امریکا د نړیوالې مذهبي ازادۍ کمېسیون (USCIRF) اعلان کړی چې د طالبانو په واکمنۍ کې په افغانستان کې مذهبي ازادي په بشپړه توګه له منځه تللې ده.
یو شمیر افغان نجونو او میرمنو ازادي راډیو ته وویل، د نارینه وو کارونکو له خوا ښه کمنټونه نه اخلي او په مسنجر کې هم ځورول کېږي. له دې ډلې ځینو ښځو خپل پاڼې هم بندې کړې دي.
د افغانستان په خوست او ننګرهار ولایتونو کې د تېرې شپې په هوايي بریدونو کې د ځايي خلکو او طالب چارواکو په خبره ۳ کسان وژل شوي او لس نور ټپیان شوي دي. د طالبانو حکومت د بهرنیو چارو وزارت وايي برید د پاکستان پوځ کړی او په غبرګون کې یې په کابل کې د پاکستان سفیر احضار کړی دی.
نور راوښيه
