راپورونه

د ملګرو ملتو د خوړو او کرنې سازمان: په افغانستان کې حاصلات بهتره شوي، خو لاهم اوبو ته اندیښنې شته

د ملګرو ملتونو د خوړو او کرنې سازمان خبرداری ورکړی چې د اوبو د سرچینو کمېدل، د تودخې لوړه درجه او د واورو د زېرمو کمېدل کولای شي په راتلونکو میاشتو کې د افغانستان د کرنیزو تولیداتو پر حاصل منفي اغیز وکړي. د اوبو د برخې کارپوهان ټینګار کوي چې د اوبو ښه مدیریت د دې ستونزې مخه نیولی شي.

امریکا افغان کډوال خپلې خاورې ته نه پریږدي

د امریکا د بهرنیو چارو وزیر مارکو روبیو ویلي په اوسنیو شرایطو کې به هېڅ افغان کډوال ته اجازه ورنکړل شي چې متحده ایالاتو ته داخل شي. له دې وړاندې نیویارک ټایمز راپور ورکړی و چې امریکا پلان لري چې په قطر کې میشت شاوخوا ۱۱۰۰ افغانان د کانګو دموکراتیک جمهوریت ته ولېږدوي.

ملګري ملتونه خلک هڅوي چې له بایسکله ډیر کار واخلي

د جون درېمه د بایسکل نړیواله ورځ ده. په افغانستان کې ګڼ خلک له بایسکله استفاده کوي. د نړۍ په یو شمیر پرمختللیو اروپایي هیوادو کې هم ډیر خلک کارونو او دفترونو ته په بایسکل ځي خو په اروپا کې نارینه او ښځینه بایسکل چلوي، د افغانستان په څېر نه وي چې دا چاره یوازې نارینه و ته ځانګړې شوې ده.

ایران پر کویت، سعودي عربستان، بحرین او اماراتو د ډرون او توغندیو ډزې کړي

د فارس خلیج په یوشمیر هیوادونو کې د چهارشنبې سهار د خطر زنګونه وشرنګیدل. پر ایران د امریکا او اسراییل له بریدونو نژدې دوې میاشتې وروسته په سیمه کې وضعیت یو ځل بیا په داسې وخت کې کړکیچن شوی دی چې د امریکا ولسمشر ډونالډ ټرمپ تر دې بریدونو مخکې ویلي و چې روغې جوړې ته هیلمن دی.

ملګري ملتونه: په افغانستان کې لوږه او خوارځواکي بیساري حد ته رسیدلې

د غایبو اشخاصو د جایدادونو په تړاو د طالبانو نوی قانون؛ په رښتیا د غصب مخه نیسي؟

د طالبانو حکومت د "د غایبو اشخاصو د منقولو او نامنقولو ملکیتونو د ارزونې قانون" توشیح او په رسمي جریده کې خپور کړی دی. طالبانو ویلي، دا قانون د غایبو کسانو د شتمنیو د ساتنې او د هغوی د ملکیتونو د غصب د مخنیوي په هدف جوړ شوی دی.

ملګري ملتونه : د پاکستان او افغانستان ترمینځ د جګړو له امله بې‌ځایه شوې ښځې د لوږې له ګواښ سره مخ دي

د ملګرو ملتونو د ښځو څانګه وايي د پاکستان او افغانستان ترمنځ د ډیورنډ کرښې په اوږدو کې د جګړو له بیا زیاتېدو وروسته بې‌ځایه شوې ښځې او نجونې د لوږې، ناامنۍ او رواني ستونزو له زیاتېدونکي ګواښ سره مخ دي. یو شمیر دغه کورنۍ وايي، د نښتو له امله یې کورونه ړنګ شوي او په خپلو اصلي مېنو کې سرپناه نه لري.

پلازمینه کیف او د اوکراین نورو ښارونو باندې د روسي ځواکونو نویو بریدونو ګنه مرګ ژوبله رامینځ ته کړې

د اوکراین پلازمینه کیف او نورو ښارونو باندې د روسي ځواکونو نویو هوايي بریدونو ګنه مرګ ژوبله رامینځ ته کړې. کیف او دینیپرو ښار باندې ددغو بریدونو په نتیجه کې لږترلږه ۱۳ تنه وژل شوي دي . مسکو وايي دغه بریدونه یې دننه په روسیه کې د" تروریستې اعمالو" په ځواب کې کړي دي.

اروپايي اتحادیه پاکستان ته: افغانستان سره د لانجې د حل غوره لار خبرې دي نه هوايي بریدونه

تېر اختر شاوخوا ۸۰ ترافیکي پېښې شوي چې ګڼې کورنۍ یې د ویر په ټغر کېنولي

د لوی اختر په ورځو کې د افغانستان په بېلابېلو ولایتونو کې شاوخوا ۸۰ ترافیکي پېښو ګڼې کورنۍ د ویر په ټغر کېنولې. د طالبانو د حکومت د معلوماتو له مخې، دا پېښې تر ډېره د موټرچلوونکو د بې احتیاطۍ او د ترافیکي قوانینو د نه مراعتولو له امله رامنځته شوې دي.

د ایران - امریکا د جګړو له لاسه افغان کډوال هم اغېزمن شوي؛ کارونه نشته او ماشومان له تعلیمه پاتې دي

د ناروې د کډوالو شورا خبرداری ورکړی چې په ایران کې  وروستیو هوايي حملو  د افغان او ایراني ماشومانو په رواني وضعیت سخت منفي اغېز کړی دی. د دې شورا مشر دا هم ویلي چې د جګړې له امله رامنځته شوي اقتصادي بحران په دغه هېواد کې د مېشتو افغانانو محدودې عایداتي سرچینې له منځه وړي چې مخکې یې درلودې.

په ایران کې د میشتو افغان کډوالو ستونزې