د جون دولسمه د ماشومانو د کار په وړاندې د مبارزې نړیواله ورځ ده. دا ورځ چې په ۲۰۰۲ ميلادي کال کې د کار د نړیوال سازمان ( ILO ) له خوا نومول شوې موخه یې د دې نړیوالې ستونزې په اړه د عامه پوهاوي لوړول او د لمنځه وړلو لپاره یې هڅې دي.
د اټومي انرژۍ د نړیوالې ادارې د حکامو شورا ایران تورن کړ چې د یورانیمو دغني کولو په اړه یې په خپلو ژمنو عمل نه دی کړی. ایران دغه پریکړه لیک وغنده او وویل چې دغني کولو په برخه کې به نور اقدامات هم وکړي.
د ملګرو ملتونو د بشري چارو د همغږۍ ادارې (اوچا) په خپل تازه راپور کې اندېښنه ښودلې چې په افغانستان کې به پخوا سېلابونه په پسرلي کې راوتل خو اوس د اقلیمي بدلون له امله د ټول کال په ترڅ کې ممکن په دغه هیواد کې سیلابونه وبهیږي.
د امریکا یوه لوړپوړي پوځي ویلي چې د داعش خراسان څانګې په وروستیو میاشتو کې کلکې ضربې خوړلې دي. د امریکایي ځواکونو د مرکزي قومندانۍ مشر جنرال مایکل کوریلا پرون د استازو جرګې د وسله والو ځواکونو د خدمتونو کمیټې ته دا خبره وکړه.
که څه هم د پاکستان او هندوستان د شخرۍ له امله له ۱۵۰ پنځوس څخه زیاتې لارې چې په افغان سوداګریزو توکو بار او یوه میاشت بندې پاتې وې شاوخوا دوه اونۍ مخکې هند ته د ننوتو اجازه ورکړل شوه خو ۱۱ لارې لا هم د پاکستان په واګه بندر کې بندې پاتې دي.
پاکستان یو وار بیا د افغانانو په ګډون ټولو هغو بهرنیانو ته له دې هیواده د وتلو خبرداری ورکړی چې په غیر قانوني توګه په دې هیواد کې اوسیږي.
په تایلند کې یو وحشي فیل چې نژدې څلور ټنه یې وزن و او د مسوولینو په وینا د شاوخو پنځه ویشت کلونو و، یوه دوکان ته ورننوت، دوکاندار حیرانه شو چې څه ورسره وکړي.
که څه هم په افغانستان کې له نېږدې څلور کلونو راهیسې له شپږم ټولګي پورته نجونې د طالبانو حکومت له خوا له زده کړو منع شوي، خو د آنلاین ښوونځیو مسئولین وايي، هڅه کوي د محدودیتونو منفي اغیز یو څه راکم کړي. بلخوا ،دبشری حقونو ملاتړي وايي دزده کړو محدودیت یوازې ښځې نه، بلکې په مجموع کې ټولنه زیانمنوي.
د اتریش په جنوب ختیځ کې په یوه ښوونځي باندې د یوه پخواني زده کوونکي له خوا په برید سره ګڼو کسانو ته مرګژوبله اوښتې ده. د ګراز ښاروالې ایلکه کهر د اتریش خبري اژانس ته ویلي چې نهه کسان وژل شوي. بریدګر وروسته خپل ژوند هم اخیستی دی.
نور راوښيه
