ښځې

په بصره کې ښځو د زړورتوب یوه کار ته دانګلي

د عراق په بصرې ولایت کې یوشمېر ښځې چمتو شوي چې له ګواښونو سره سره د اوسیدو سیمې له ماینونو پاکې کړي. دغلته د ماین پاکانو نورې ډلې هم شته، خو اوس د لومړي ځل لپاره داسې یوه ډله دې چارې ته رزول شوې چې ټولې ښځې په کې دي. نور په دې وېډیو کې وګورئ او له خپلو ملګرو سره یې شریکه کړی

د جنسي تېري د قرباني شوي ماشوم کورنۍ عدالت غواړي

د هغې ماشومې کورنۍ چې وايي، جنسي تېری پرې شوی دی د عدالت غوښتنه کوي. د بشري حقونو خپلواک کمېسیون د دې پېښې په اړه ویلي چې په کابل کې پر دې نهه کلنې ماشومې د جنسي تېري تورونه باید سمدستي وڅېړل شي. د دې سازمان موندنې ښیي چې په ۲۰۲۰ کال کې د نجونو په وړاندې د جنسي تاوتریخوالي ۳۴ قضیې ثبت شوې دي.

اومېندواره خاطره او درې کلن زوی یې د مقناطیسي بمونو وروستي قربانیان

خاطره له خپل درې کلن زوی سره له دندې کور ته روانه وه چې په موټر یې مقناطیسي بمي چاودنې دوی دواړه ووژل. د خاطرې کورنۍ وايي، پېښه کې د خاطرې په نس هغه ماشوم هم قرباني شوی چې لا یې نړۍ ته سترګې نه‌وې پرانیستې. نور په دې راپور کې.

د نارینه‌وو د فوټبال لومړنۍ اوکراينۍ لوبڅاره

کاترینا مونزول لومړۍ مېرمن ده چې د اوکراین د نارینه‌وو د فوټبال غوره لیګ کې لوبڅاري کوي. هغی تر دې مخکې د ښځینه فوټبال نړیوال جام کې هم لوبڅاري کړې. په دې راپور کې ګورئ چې له فوټبال سره د ماشومتوب لېوالتيا څنګه کاترینا د نارينه‌وو د فوټبال غوره ليګ د لوبو د لوبڅارۍ تر ډګره ورسوله.

د سولې ارمانجنه مور چې دوه زامن یې پر مخالفو سنګرونو وژل شوي

که څه هم په تیرو شلو کلونو کې افغان ښځو د پام وړ پرمختګونه کړي، خو په لیري پرتو سیمو کې داسي ښځې شته چې نه یوازي يې په تیرو دوو لسیزو کې په ژوند کې بدلون نه دی راغلی بلکه جګړې نورې هم ځپلې دي.

په بدخشان کې د لبنیاتو فابریکه

د بدخشان ولایت په مرکز کې یوې مېرمنې د یوې نا دولتي مؤسسې په ملاتړ د لبنیاتو فابریکه جوړه کړې. دغه متشبثه مېرمن د خپلې فابریکې لپاره له کلیو شیدې راټولوي او په فابریکه کې ترې کوچ، پېروی، قروت او چکه جوړوي او بازار ته يې وړاندې کوي. نور جزئیات په دې راپور کې وګورئ.

یوه مور او لور په ګډه د ملي اردو په لیکو کې د سولې ارمانجنې دي

د سویل ختیځ زون لسګونو کسانو روغتیايي زده کړې وکړې

د پکتیا کې د سویل ختځ زون د څلورو ولایتونو لسګونه ښځې او نارینه د دوه کلنو روغتیايي زده کړو تر بشپړیدو وروسته د فارمسۍ او لابراتور له څانګو فارغ شول.

افریقایي انجلۍ د کم عمره ودونو سره مبارزه کوي

د زیمبابوې په پلازمېنه کې یوه انجلۍ ځوانانو ته د تکواندو په ښوولو سره له وخت مخکې ودونو سره مبارزه کوي. ناتیسیراشه ماریسا دغه کمپاین په داسې یو هیواد کې پیل کړی، چې په کې لسګونه انجونې او هلکان د اتلس کلنۍ عمر ته له رسېدو مخکې واده کولو ته اړ ایستل شوي دي. نور په راپور کې:

خوست کې لسګونه کسانو بېلابېل کسبونه زده کړل

د خوست د مرکز او ولسوالیو لسګونو کسانو چې مخکې يې کاروبار نه لاره او اقتصادي ستونزو سره مخامخ ول، بیلابیل کسبونه يې زده کړل. د دې برنامې فارغې ښځې وايي، د کسب او حرفې زده کړه دوی پر ځان بسیا کوي. نور په دې ویډيو کې وګورئ

په فراه ولایت کې د ښځینه معتادینو د درملنې لپاره اقدامات کیږي