په داسې حال کې چې د ۲۰۲۴م کال د پاریس المپیک سیالۍ پای ته په رسېدو دي، د ازادې اروپا/ازادي راډیو د دغو تلپاتو سیالیو یو شمېر صحنې چې د دې راډیو د کاري حوزې لوبغاړو په کې ګډون درلود، منعکس کړي دي. د پاریس المپیک سیالیو د اګست په ۱۱مه پای ته رسېږي.
والټر هغه اورنګوټان یا د بیزوګانو د نسل یو ډول دی چې د جرمني د دورتموند ښار په ژوبڼ کې د اروپا د د فوټبال د اتلولۍ د لوبو وړاندوینه کوي. دا ځل یې د جرمني په وړاندې د اسپانیا د بري اټکل کړی دی. جرمني د جمعې په ورځ د کوراټر فاینل پړاو کې د اسپانیا په وړاندې ډګر ته وځي.
د هند په اتراپردېش ایالت کې یو شمېر ځايي وګړو د خپلې کرکټ ملي لوبډلې د بریا لپاره د دعا ځانګړي مراسم پرځای کړل. د هند کرکټ ملي لوبډله نن د شل اوره نړیوال جام سیالیو په پایلوبه کې د جنوبي افریقا پر وړاندې سیالي کوي.
د افغانستان د کرکټ ملي لوبډلې روزونکی جانتن ټراټ د جنوبي افریقا پر وړاندې د افغانستان د ماتې وروسته وویل، یوه لوبه د ټول ټورنمنټ د سیالیو د څرنګوالي څرګندونه نه شي کولای او دا پر افغان لوبډلې ویاړي. افغانستان د لومړي ځل لپاره د کرکټ په نړیوالو سیالیو کې نیمه پایلوبې ته وتلی و.
افغانستان د کرکټ په روان نړیوال جام سیالیو کې د بنګلهدېش په ماتولو سره نیمه پایلوبې ته ووت. دې بریا د افغانستان په یو شمېر سیمو کې خلکو واټونو راوتلو ته اړ ایستل او دوی په پراخه کچه دغه بریا ونمانځله. نور په ویډیو کې:
د کرکټ په روان نړیوال شل اوریز جام سیالیو کې د افغانستان کرکټ ملي لوبډله نیمه پایلوبې ته ووت. له دې بریا سره جوخت د ننګرهار په ګډون په یو شمېر نورو سیمو کې افغانان سړکونو ته راووتل او په خوښیو یې دغه بریا ونمانځله.
د افغانستان کرکټ ملي لوبډله په لومړي ځل د شل اوریز نړیوال جام سیالیو نیمه پایلوبې ته لار پیدا کړه. د افغان لوبډلې لوبډلمشر راشدخان وايي، خوشحاله دی چې افغان لوبډله نیمه پایلوبې ته ووته. نور په ویډیو کې:
افغان ورزشکاره معصومه عليزاده چې فرانسه کې ژوند کوي، د المپیک په سږنیو سیالیو کې کډوالو د ټیم مشري کوي. هغه په ۲۰۲۰م کال د توکیو المپیک سیالیو کې د المپیک د نړیوالې کمېټې د کډوالو د ټیم غړې وه.
عارف محمدي د ورزش برخې ۱۲ کلنه مخینه لري او اته کاله مخکې په نشهيي توکو روږدی شوی و. هغه چې اته میاشتې مخکې نشهيي توکي پرېښي، اوس د روږدو کسانو د درملنې د یوه مرکز امنیتي مسوول دی او دغلته په نشهيي توکو اخته کسانو ته تمرین ورکوي.
منیژه تلاش به سږ کال د پاریس په المپيک سیالیو کې د برېکډانس برخه کې ګډون کوي، خو د افغانستان استازیتوب نه کوي. هغه د المپیک کډوالو لوبډله کې شامله شوې ده. په افغانستان کې طالبان اجازه نه ورکوي څو ښځې سپورټي فعالیتونو کې برخه واخلي. د برېکډانس رشته د لومړي ځل لپاره د المپیکي سیالیو برخه ګرځېدلې.
د کرکټ نړیوال شل اوره جام سیالیو په ترڅ کې د ګروپي وروستۍ لوبه د کوربه ویسټ اینډیز او افغانستان ترمنځ ترسره کېږي. تاسو د دې لوبې په اړه څه وړاندوینه کوئ او ستاسو په باور د افغانستان کوم ستوری به په دې لوبه کې ښه وځلېږي؟
د کرکټ په روان شل اوره نړیوال جام سیالیو کې افغانستان د شنبې په ورځ له نیوزیلینډ سره سیالي لري. د دې سیالۍ د نتیجې په اړه ستاسو وړاندوینه څه ده؟
نور راوښيه
