په کندهار کې د سولې تر سرلیک لاندې د بایسکل ځغلونې سیالۍ ترسره شوې.دغه سیالۍ د چهارشنبې په ورځ د پیوند مدني ټولنې لهخوا د خېبر لېسې، باور خصوصي ښوونځۍ او بایسکل ځغلونې فدراسیون په همکارۍ جوړه شوې وه.
د افغانستان پر مخابراتو او معلوماتي ټکنالوژۍ وزارت له حملې یوه ورځ وروسته ازادي راډیو پر دغه وزارت دا ویډیوي راپور جوړ کړی چې په تصویرونو کې د مرکزي پوسته خانې د ودانۍ ځینې برخې ویجاړې ښکاري. شفیع کریمي دا ویډیوي راپور چمتو کړی چې رحمت الله افغان یې وړاندې کوي. ویډیو: شفیع کریمي تدوین: تمیم اخګر
د لغمان، کونړ او ننګرهار ولایتونو سلګونو دیني عالمان د پنجشنبې په ورځ د جلالاباد په ښار کې راټول شوي او له حکومت او طالبانو غواړي چې خپل عملیات وځنډوي او اوربند وکړي. د ازادي راډیو خبریال نصرت پارسا جلالاباد ښار ته تللی او دغه ویډیويي راپور یې پرې برابر کړی دی. د ویډیو تدوین: نصرت پارسا
په افغانستان کې د پخواني شوروي اتحاد د جګړې په اړه يو فلم لانجمن شوی.د فلم نوم له افغانستانه وتل دى، خو پر فلم د روسيې هغو پخوانيو عسکرو او قوماندانانو نيوکه کړې چې په افغانستان کې جنګېدلي دي. انتقادکوونکي وايي چې په فلم کې د پخواني شوروي اتحاد د سرتېرو غيرملي انځور ښودل شوی.
جان اغا هغه افغان دى، چې په پروان ولايت کې يې له ماشومتوبه په لسګونو زاڼې ښکار کړي دي. نور خلک دغه ښکار کړي مارغان يا د ساتلو، يا د هغوى له غوښو د کار اخيستلو په نيت ورڅخه رانيسي. جان اغا وايي په کور کې به شا و خوا سل زاڼې لري او دا يې له لسيزو راهيسې د روزي ګټلو يوه لار ده.
په جنوب کې د ۲۰۵م اتل قول له روزنیز مرکز څخه د اردو شاوخوا ۱۰۰۰ سرتیري فارغ شول. دغه سرتیري چې په تېرو درېيو میاشتو کې يې د وسلو کارولو او جګړې مهارتونه زده کړي وايي چې د وسلهوالو سره جګړې ته تیار دي او هغه وسلهوال به وځپي چې سوله نهکوي. ویډیو: محمد صادق ریښتینی ایډیټ: لېمه هادي
په افغانستان کې له طالبانو سره د سولې بحثونه ګرم دي او رسنۍ هم په دې اړه خپلې اندېښنې او خوشبینې لري. د خبریالانو یوه ډله د خپلو فعالیتونو د محدودېدو په اړه اندېښمن دي خو ځینې یې بیا سوله یو فرصت ګڼي. ویډیو: لیمه هادي
وروستیو ورښتونو د نور ولایتونو په څېر په پلازمېنې کابل کې هم خلک له ګڼو ستونزو سره مخ کړي. د ازادي راډيو خبریاله لېمه هادي د کابل ښار بېلابېلو سیمو ته تللې او دغه ویډیويي راپور یې پرې چمتو کړی دی.
د هرات فرهنګي مسؤلین وايي، د دې ښار تاریخي ګدامونه د ۷۰ میلیونه افغانیو په لګښت جوړیږي چې د افغانستان د حکومت له بودجې څخه دا پیسې ورکول کېږي. د ازادي راډیو خبریال شاهپور صابر خبرنگار رادیو په هرات کې پر دغو تاریخي ګدامونو دا انځوریز راپور برابر کړی دی.
ګلبدین نایب وايي د نړیوال جام لپاره به یوه ښه لوبډله وټاکل شي. د کرکټ د ملي ټیم نوي کپټان ښاغلي نایب ازادي راډیو ته وویل چې د یوې قوي لوبډلې د ټاکلو لپاره په جَنوبي افریقا کې تمرینونه کوي او په لوړ مورال به نړیوال جام ته ورځي. له ګلبدین نایب سره صفي الله ستانکزي مرکه کړې ده:
صدیق الله صداقت افغان انځورګر دی او په نهم ټولګي کې زده کړې کوي. دی د اتلسو کلونو دی او د زابل د میزانې ولسوالۍ دی. ملالۍ بشير له ده سره د ده د هنر په اړه خبرې کړي او په سر کې يې ورڅخه پوښتلي چې څومره موده کيږي چې دی انځورګري کوي؟
د شمالي اتلانتيک د تړون يا ناټو د ايجاد ٧٠ کلونه پوره شول. دغه پوځي تړون وروسته له هغې پيل شو، چې ١٢ هېوادونو د کومې حملې په صورت کې د يو بل د دفاع ژمنه وکړه.
نور راوښيه
