د ازادي راډیو خبریال روح الله انوري نورستان ولایت ته تللی او له طبیعي ښکلاګانو او سمسورو سیمو یې دا انځوریز راپور برابر کړی دی.
د دغه حرکت غړي وايي تر ډېره پاکستان د افغانستان په نا امنیو کې لاس لري نو ځکه یې دلته د پاتې کیدو وخت نا څرګند دی. له دې وړاندې د سولې د ولسي حرکت غړي د امریکا،روسي سفارتونو او همدا راز د ملګرو ملتونو د دفتر له مخې سره هم د تحصن په هدف تم شوي وو. ویډیو او ایډیټ ابراهیم صافی
د روسیې سفارت مخ ته له یوې اوونۍ تحصن وروسته کله چې دوی د پاکستان د سفارت پر لور د خوځېدو په وخت کې زیات شمېر عام خلک نور هم ورسره یو ځای شول. د سولې د حرکت دغه غړي وايي، تر نامعلوم وخته به د پاکستان سفارت ترمخ پاتې شي. ویډیو او ایډیټ ابراهیم صافی
د پرونيو لوبو له پای ته رسېدو سره کوارټر فاينل ته وتونکي ټيمونه مشخص شول. په دغه راپور کې هغه شېبې وينئ چې د پرون ماښام د فټبال سیالیو وروسته د لوبې مينه والو هم خوښي څرګنده کړه او هم يې اوښکې وبهولې.
د کابل ډېری اوسیدونکي چې د امنیتي ستونزو او پېښو څخه په وېره کې ژوند کوي، په دې ورځو کې فرصت مومي چې د څو ساعتونو لپاره په کورونو او یا هم په ځینو نورو ځانګړو ځایونو کې د خوښۍ شېبې تجربه کړي او د فوټبال نړیوالې لوبې وګوري. نصرت پارسا په دې اړه دا ویډیويي راپور جوړ کړی دی.
په جوزجان ولایت کې د برښنا نشتوالی د دې لامل شوی چې زیات شمېر فابریکې له سقوط سره مخ شي. عالم رحمانیار د اقچې ښار د فابریکو د وضعیت په اړه دغه وېډیويي راپور چمتو کړی چې دلتهیې کتلی شئ. وېډیو: عالم رحمانیار اېډېټ: ابراهیم صافی
طالبانو په لوګر کې ښوونځیو ته د پیغلو نجونو تګ ناروا اعلان کړی دی. پردې سربېره طالبان دا هم وایي، په هغو سیمو کې چې په لوګر کې د دوی په ولکه کې دي، د پوهنې وزارت ځیني مضامین یې هم له تعلیمي نصاب نه حذف کړي دي.
د سولې لپاره ۳۸ ورځې وړاندې پلي راوتلي د ولسي حرکت غړي نن سهار کابل ته را ورسېدل. د سولې لپاره د ولسي حرکت غړي چې نن دوشنبه سهار کابل ته راورسېدل، وايي چې د دغه سخت مزل هدف یې په هېواد کې د سولې او اوربند ټينګښت دی او له ښکېلو خواوو غواړي چې غوښتنې ته یې مثبت ځواب ووايي.
د هلمند د سولې ولسي حرکت غړي چې په هېواد کې د ١٧ کلنې جګړې د ختمولو لپاره پلي روان دي، د سې شنبې په ورځ له غزني د کابل پر لوري روانېږي. د جګړې ضد دغه حرکت اول د ٨ کسانو له خوا له هلمنده پيل شو، چې اوس يې د برخوالو شمېر تر ٦٠ اوښتى دى. د دغه حرکت غړي په افغانستان کې د اوربند د غزولو غوښتنه لري.
د دغه بنسټ مسؤلین وايي، دغه مواد د ځان وژونکو واسکټونو په جوړولو او په چاودېدونکو موادو کې کارول کېږي چې د حقاني شبکې لهخوا فغانستان ته لېږدول شوي وو. وېډیو او اېډېټ: نصرت پارسا
د جون پر لومړۍ نېټه په چچنيا کې يوه ښځه د هغې د پېژندپاڼې له مخې ١٢٩ کلنه شوه. که دا نېټه سمه وي، دا به په نړۍ کې تر ټولو له زړو انسانانو څخه وي. هغې ازادۍ راډيو ته وويل د ژوند دا اوږد سفر يې له سختيو او کړاوونو ډک دى. د ازادۍ راډيو د شمالي قفقاز څانګه هغې سره خبرې کړې دي. صالح محمد صالح راپور لري
د ویډیويي لوبې یا ګېم نوم د کوکنارو ضد جګړه ده چې هدف یې د کوکنارو د کښت ضد پوهاوی پیدا کول دي. دا ګېم د کمپیوټر د زده کړو یوه مرکز کې نجونو جوړ کړی. په اړه یې ویډیو وګورئ.
نور راوښيه
