له پاکستانه راستون شوی اصیل خان وايي، د جمعې په شپه یې د کابل جلال اباد په لویه لاره د موټر د چپه کېدو له امله د کورنۍ څو غړي مړه شوي او څو نور نادرکه دي. د لغمان ولایت امنیه قومندانۍ هم تایید کړې وه چې په دې موټر کې ۲۲ ناستو سورلیو ته مرګژوبله اوښتې ده. نوره کیسه له اصیل خان واورئ
کریستیانو رونالډو وايي د پرتګال ملي ټیم کې به خپلو لوبو ته دوام ورکړي. هغه د تقاعد په اړه پوښتنې ته کلک غبرګون وښود. رونالډو همداراز وویل چې هسپانیه به ماته کړي که څه هم د ده په خبره سیال ټيم یې تر پرتګاله ډېرې اتلولۍ ګټلي دي. پرتګال او هسپانیه د فوټبال د نړیوال جام په ۱۶ غوره ټيمونو کې سره مخ دي.
ملا برادر او امیرخان متقي د ایران د مخکیني رهبر سیدعلي خامنه يي د جنازې لپاره تهران ته ولاړل. د پنجشنبې په سهار په کییف باندې د روسیې توغندیزو او ډرون بریدونو ۱۳ کسان وژلي. د فوټبال د نړیوال جام په حذفي دور کې به نن شپه هسپانیه او اتریش سره مخ شي.
د نیویارک امپایر سټېټ ودانۍ څوکې ته دوه کسان ورختلي وو. په ویډیو کې ښکاري چې یو ځوان خپلې ملګرې ته د واده وړاندیز کوي. پولیسو وروسته دواړه کسان نیولي دي. نور جزییات په دې ویډیو کې
پاکستاني ځواکونو یو وار بیا د افغانستان په ځینو سیمو هوايي بریدونه کړي چې ګڼو ملکیانو ته یې مرګژوبله رسولې ده. یوناما تایید کړه چې لږ تر لږه ۲۸ ملکیان وژل شوي او ۴۹ نور ټپيان شوي دي. مخکې د طالبانو حکومت د وژل شویو ملکیانو شمېر ۳۶ او د ټپیانو ۱۶۳ یاد کړی و.
د بریټانیا پاچا چارلس د افغان ښځو د کډوالو د کرکټ ټیم سره ولیدل او له هغوی یې ملاتړ وښود. د افغان نجونو د کډوالو کرکټ لوبډله د نړیوالو د ملاتړ د جلب په لټه کې ده. د دغه ټیم غړې پخوا د افغانستان د ښځینه و په کرکټ ملي ټيم کې وې خو د طالبانو په بیا واکمنېدو له هېواده ووتلې.
د اروپا د پارلمان یوې غړې له افغان ښځو بښنه وغوښته. راکېل ګارسیا د دې کار لامل بروکسل ته د طالبانو سفر او له اروپايي چارواکو سره د هغوی غونډه یاد کړ. د دوشنبې په ورځ د طالبانو یوه پنځه کسیزه پلاوي د اروپايي ټولنې له چارواکو سره خبرې وکړې.
بروکسل کې اروپايي چارواکو له طالب استازیو سره خبرې کړي. د طالبانو پلاوي ویلي " خبرې رغوونکې وې او هیله شته چې مثبت پرمختګ وشي". اروپايي چارواکو دغه طالب پلاوي سره افغانستان ته د افغان کډوالو د ستنولو په اړه تخنیکي خبرې کولې. د طالب پلاوی مشري د بهرنیو چارو وزارت ویاند عبدالقهار بلخي کوله.
امریکا او ایران د جګړې د پای ته رسولو لپاره په هوکړې سلا شوي. تمه ده تړون د راتلونکې جمعې په ورځ په سویس کې لاسلیک شي. د امریکا ولسمشر ډونالډ ټرمپ په خپله د تړون د بشپړېدو خبر ورکړی. نور جزییات صفي الله ستانکزی وړاندې کوي.
په هرات کې نن یو شمېر فعالانو او ښځو مظاهرې کړي چې د طالبانو له زورزیاتي سره مخ شوي. په ویډیوګانو کې ښکاري چې طالب عسکر پر خلکو ډزې کوي. د ځینو خلکو د مرګژوبلې راپورونه هم خپاره شوي.
ایران د جون په ۷مه، د یکشنبې په ماښام د اسراییلو په شمال بالستیک توغندي وویشتل، او دا برید یې په لبنان باندې د اسراییلو د بریدونو غچ وباله. اسرائیل د ایران په ستراتیژیک دفاعي سیسټمونو باندې په "لوی برید" سره ځواب ورکړ. د امریکا ولسمشر ډونالډ ټرمپ له دواړو خواوو غوښتي چې تاوتریخوالی زیات نه کړي.
د امریکا د بهرنیو چارو وزیر مارکو روبیو وايي په قطر کې ایسار افغانان امریکا ته نه شي لیږدولی په ایټالیا کې دری افغانان او یو پاکستانی کارګر د یوه موټر د سوځېدو په پېښه کې وژل شوي. د کوېټ په هوايي ډګر د ایران ډرون او توغندیز برید لسګونه کسان ټپيان کړي.
نور راوښيه
