د بدخشان نښتې؛ طالبان وایي پاکستان د دوی ځینو مخالفینو ته وسلې ورکړې وې او زیباک ته یې استولي وو
د بدخشان په زیباک ولسوالۍ کې د طالبانو او د افغانستان د ازادۍ جبهې په نوم د یوې مخالفې وسله والې ډلې تر منځ د نښتو راپورونه ورکول کېږي. طالبان وایي حملې یې په شا تمبولي خو ازادي جبهه وايي لا هم نښتې روانې دي. د طالبانو لوی درستیز فصیح الدین فطرت چې په خپله بدخشان ته تللی ادعا کوي د پاکستان حکومت د دوی ځینې مخالفان سمبال او زیباک ته استولي خو د طالبانو په بریدونو کې دغو کسانو ته مرګژوبله اوښتې او یو شمېر یې بېرته د پاکستان شاه سلیم ته تللي. د پاکستان حکومت لا په دې اړه څه نه دي ويلي. نور په دغه ویډیويي راپور کې