د انځورونو په دې ګالرۍ کې د ډونالد ټرمپ له کوچنیوالي تر ځوانۍ او بیا د ودونو او کاروبارونو حال لیدلی شئ.
په کاروبار او ټلوېزیون کې د ډونالد ټرمپ د ژوند ننداره
ډونالډ ټرمپ د امریکا ۴۵م ولسمشر وټاکل شو. د جایدادونو او ځمکو کاروبار کوونکی ټرمپ د نیویارک په یوه شتمنه کورنۍ کې زېږېدلی وو او خپل کاروبار یې تر ټلوېزیون او د ښکلا تر سیالیو پراخه کړ.
۱
ډونالد ټرمپ په ۱۹۴۶ز کال کې د نیویارک په یوه شتمنه کورنۍ کې زېږېدلی دی.
۲
ټرمپ (له کیڼې خوا) د پنځو ماشومانو په کتار کې څلورم دی. پلار یې فرېډ ټرمپ نومېده او په نیویارک کې یې د ځمکو او جایدادونو کاروبار کاوه. هغه له خپل زوی سره د کاروبار په پیلولو او چلولو کې مرسته وکړه.
۳
ټرمپ د نیویارک په پوځي اکاډمۍ کې روزنه هم تر لاسه کړې.
۴
ټرمپ په ۱۹۶۸ز کال کې د وارټن د کاروبار او اقتصاد له پوهنځي څخه فارغ شو. په دې انځور کې له خپل پلار سره ولاړ دی.
۵
ټرمپ په ۱۹۷۷ز کال کې په چېکوسلوواکیا کې له زېږېدلې اېوانا زیلنیچکوفا سره واده وکړ. دا یې د ۱۹۸۹ز کال انځور دی. تر دې لنډه موده وروسته دواړه سره بېل شول. دواړو درې ماشومان لرل: اېرېک، اېوانکا او کشر ډونالد ټرمپ.
۶
ټرمپ په ۱۹۹۳ز کال کې له اداکارې او ماډلې مارلا میپلز سره واده وکړ.
۷
ټرمپ او مارلا میپلز په ۱۹۹۵ز کال کې له خپلې لور ټېفني سره. دواړه په ۱۹۹۹ز کال کې جلا شول.
۸
ټرمپ په ۱۹۹۶ز کال کې د کایناتي پېغلي په نوم د ښکلا سیالیو کاروبار مشر شو. په دې انځور کې د وېنېزوېلا الېشیا ماشادو لیدل کېږي چې هغه کالیې سیالي ګټلې وه. نوموړې وروسته پر ټرمپ تور پورې کړ چې د دې سپکاوی یې کړی وو.
۹
په ۲۰۰۵ز کال کې په لاس وېګاس کې د ټرمپ نړیوال هوټل او برج د بنسټ ډبرې ایښودو غونډه.
۱۰
ټرمپ په ۲۰۰۴ز کال کې په ټلوېزیون کې کار وکړ. دلته له پروډیوسر مارک بورنېټ سره لیدل کېږي. د دې نندارې نوم اپرېنټس و.