د کونړ زلزله ځپلي وايي کورونه یې وران او زړونه یې غمجن دي

د کونړ وروستیو زلزلو له ۲،۲۰۰ زیات کسان ووژل، زرګونه یې ژوبل او لکونه نور یې بې کوره کړل. هلته اوس هم د وړې کچې زلزلې راځي او خلک لا هم ړنګو کورونو ته له ننوتلو ډارېږي او ډېری خلک لا هم تر شنه اسمان لاندې په خېمو کې ژوند کوي. زلزله ځپلي خلک وايي کورونه یې وران، زړونه یې غمجن او اقتصادي وضعیت یې خراب دی. افغانستان چې وار له مخه یې ډېری خلک د غربت په لومه کې ګېر دي، وروستیو زلزلو د خلکو وضعیت لا نور هم پسې خراب کړی دی.