د اروپايي ټولنې د پراخوالي کمیشنرې مارتا کاس د ازادې اروپا/ ازادي راډیو پر ساتنې ټینګار کړی دی.
هغې خبرداری ورکړی که چیرې دا راډیو و نه ساتل شي، نو د نړۍ د مستبدانو لپاره به یو ښه ډالۍ وي.
که چیرې دا راډیو و نه ساتل شي، نو د نړۍ د مستبدانو لپاره به یو ښه ډالۍ ويمارتا کاس
کاس دغه خبرې پرون سه شنبې د (اپریل اوله) د اروپايي پارلمان په یوې ناسته کې کړي دي.
د اروپا په پارلمان کې دا ناسته د ازادو رسنیو پر ساتنې په ځانګړې توګه د ازادې اروپا/ ازادي راډیو پر ساتنې او دې راډیو ته پر لاسرسي متمرکزه وه.
د اروپا په پارلمان کې دا ناسته د امریکا د ولسمشر ډونالډ ټرمپ د هغه فرمان په غبرګون کې جوړه شوې وه چې د مارچ په ۱۴مه يې لاسلیک کړی و.
په یاد فرمان کې د ( یو ایس اې جي ایم) په ګډون د اوو ادارو تر ممکنه قانوني بریده د کوچیني کیدو پر مسالې ټینګار شوی و.
( یو ایس اې جي ایم) د مارچ په شپږ ویشتمه په یوه لیک کې د ازادې اروپا/ازادي راډیو ته څرګنده کړې وه چې مرستې به یې لغوه کړي.
ازادې اروپا/ازادي راډيو بیا د خپل حق لپاره محکمې ته مخه کړه او په هغې کې یې دا دعوه وکړه چې ( یو ایس اې جي ایم) اداره دا صلاحیت نه لري چې د کانګرس له لورې د تصویب شوې بودیجې مخه ونیسي.
که څه وروسته (یو ایس اې جي ایم) له دې پریکړې په شا شو خو تراوسه يې ازادي راډیو ته بودیجه ورکړې نه ده او له همدې کبله د دې راډیو ډیر شمیر کارکوونکي د اپریل له لومړۍ نېټې په رخصتۍ دي.
