عبدالله اوجالان د پي کې کې مشر: د کوردستان وسله وال دې د ترکیې د دولت پرضد وسله وال مقاومت ودروي

عبدالله اوجالان چې استابول ته نژدې په یو ټاپو کې زنداني دی، د پنجشنبې په ورځ د(فبرورۍ په ۲۷مه) په یو پیغام کې د خپل ګوند له غړو غوښتي چې وسله مقاومت پریږدي او د ګوند د منحل کیدو لپاره یوه غونډه راوبللي.

د هغه پیغام چې د ګوند د سیاسیتوالو له خوا په ترکي او کوردي ژبو ولوستل شو په کې راغلي، "یوه غونډه راوبللئ او پریکړه وکړئ، ټولې ډلې باید خپلې وسله مقاومت پریږدي او پي کې کې دې منحل شي".

کومو سیاستوالو چې د اوجالان پیغام لوسته، له اوجالان سره يې په پنجشنبې په ورځ لیدلي وو.

د اوجالان دا تاریخي پیغام د کوردستان د پي کې کې او ترکیې دولت ترمنځ د سولې د هڅو هغه برخه ده چې د ترکیې د ولسمشر رجب طیب اردوغان د اتیلافي حکومت د شریک دولت باغچلي له خوا پیل شوې دي.

دغې ښې اړخي سیاستوال وړاندیز کړی چې د اوجالان د بښنې په بدل کې دې د پي کې کې سره دې سوله وشي او منحل دي.

د ترکیې په جنوب خیتځو کورد میشت ولایتونو دیاربکر او وان کې د اوجالان د پیغام د اوریدو لپاره خلک په عامه ځایونو کې راټول شوي وو.

په دې اړه نور:

ترکیې له کرد وسله والو سره د اړیکو په تور ۲۸۲ کسان نیولي دي

اوجالان په خپل پیغام کې د ترکیې د دولت پر وړاندې د وسله مقاومت لاملونو ته په اشارې وویل، د پي کې کې د مبارزې دلایل د کوردیانو له هویته د دولت سترګې پټول او په رسیمت نه پیژندل وو.

هغه په خپل پیغام کې ویلي،" د یو سیاسي نظام د رامنځته کیدو لپاره د موکراسي پرته بل هیڅ لار نشته، یوازیني حل لار یوه دموکراتیکه اجماع ده".

۷۵کلن اوجالان له ۱۹۹۹ کال راهیسې د ترکیې له دولت سره د خیانت په تور استانبول ته نژدې د امرالي په ټاپو کې زنداني دی.

که څه هم هغه په زندان کې دی، خو پر پي کې کې د پام وړ اغیز لري او تمه ده د پي کې کې غړي د اوجالان له هر ډول فرمان څخه اطاعت وکړي.

د ترکیې دولت تراوسه په دې اړه په رسمي ډول څه نه دي ویلي.

د پي کې کې ګوند په ۱۹۷۸کال کې د اوجالان له خوا جوړ شو چې له ۱۹۸۴کال راهیسې د ترکیې په جنوب خیتځ کې د یاغي ډلو مشري په غاړه لري.

پي کې کې ډله د ترکیې او د دې هېواد د غربي متحدان له خوا د ترهګریز سازمان په توګه پیژندل کیږي.

له دې وړاندې له پي کې کې سره د سولې د خبرو اترو هڅې ناکامې شوې وې، چې وروستۍ هڅه په ۲۰۱۵ کال کې وه.