احمد مسعود: طالبان راڅخه غواړي چې تسلیم شو
د افغانستان د ملي مقاومت په نوم جبهې مشر احمد مسعود په ويانا کې د طالبانو د مخالفو افغان سياستوالو سره د يوې غونډې په څنډه کې نن خبريالانو سره خبرې وکړې.
د دې غونډې هدف د «يو ګډ سياسي دريځ جوړول» ښودل شوي دي.
دا غونډه داسې مهال جوړېږي چې په پنجشېر کې د طالبانو او مقاومت جبهې ترمنځ په وروستيو کې د خونړيو نښتو راپورونه ورکړل شوي دي.
د بخښنې نړيوال سازمان طالبان د مقاومت جبهې د جنګياليو په صحرايي محاکمه تورن کړي، خو طالبانو دا تورونه رد کړي دي.
