طالبانو ځینو وزارتونو او ادارو ته نوي سرپرست وزیران او مسولان وټاکل

د طالبانو حکومت پرون د یو شمېر وزارتونو او نورو ادارو لپاره نوي سرپرست وزیران او مسولان وټاکل.

د دوی په نوې ګمارنه کې ۲۷ کسان شامل دي چې نژدې ټول یې مولویان او مولایان او د طالبانو نژدې کسان دي.

په دې ګمارنه کې چې د طالبانو د مشر ملا هبت الله اخندزاده د فرمان پر اساس شوې، شهاب الدین دلاور د کانونو او محمد عباس اخُند د حوادثو ضد وزارت د سرپرستانو په توګه معرفي شوي دي.

۲۵ نورې ګمارنې بیا د وزارتونو مرستیالۍ او د نورو ادارو او ریاستونو مشرتابه ته شوي دي.

پر طالبانو تل دا نیوکه کیږي چې ګمارنه کې د ټولشمولۍ اصل په پام کې نه نیسي او تر ډېره هغه کسان ګماري چې یوازې يې دیني زده کړې کړې وي.

طالبان بیا دا تورونه ردوي او وایي، د دوی په کابینه کې د هر قوم استازي شته او داسې کسان هم په کې دي چې پر دیني زده کړو سربیره نورې مسلکي زده کړې هم لري.

د طالبانو له لوري ټاکل شوي سرپرست وزیران او مسوولین:

1. محترم مولوي صاحب شهاب الدين دلاور د کانونو او پټرولیم وزارت د سرپرست په توګه
2. محترم حاجي ملا محمد عيسی اخُند د کانونو او پټرولیم وزارت د مرستیال په توګه
3. محترم ملا محمد عباس اخُند د حوادثو ضد وزارت د سرپرست په توګه
4. محترم مولوي صاحب شرف الدين د حوادثو ضد وزارت د مرستیال په توګه
5. محترم مولوي صاحب عنايت الله د حوادثو ضد وزارت د مرستیال په توګه
6. محترم مولوي صاحب حمد الله زاهد د ملي تدارکاتو د ادارې د سرپرست په توګه
7. محترم شيخ صاحب عبدالرحيم د ملي تدارکاتو د ادارې د مرستیال په توګه
8. محترم مولوي صاحب قدرت الله جمال د تفتيش د عالي ادارې د سرپرست په توګه
9. محترم مولوي صاحب عزت الله د تفتيش د عالي ادارې د مرستیال په توګه
10. محترم مولوي صاحب محمدیوسف مستري د زندانونو چارو د تنظیم ادارې د سرپرست په توګه
11. محترم ملا حبیب الله فضلي د زندانونو چارو د تنظیم ادارې د مرستیال په توګه
12. محترم مولوي صاحب کرامت الله اخُندزاده د اداري اصلاحاتو او ملکي خدماتو د ادارې د سرپرست په توګه
13. محترم مولوي صاحب احمد طه د سرحدونو او قبائلو چارو وزارت د مرستیال په توګه
14. محترم مولوي صاحب ګل زرين د سرحدونو او قبائلو چارو وزارت د کوچيانو د لوی رياست د رئیس په توګه
15. محترم شيخ صاحب مولوي عبدالحکيم د شهیدانو او معلولينو وزارت د مرستیال په توګه
16. محترم مولوي سعید احمد شهيد خېل د معارف وزارت د مرستیال په توګه
17. محترم مولوي صاحب عبدالرحمن حلیم د کلیو د پراختیا او بیا رغوني وزارت د مرستیال په توګه
18. مولوي صاحب عتیق الله عزیزي د اطلاعات او کلتور وزارت د اداري او مالي معین په توګه
19. حاجي ملافیض الله اخند د اطلاعات او کلتور وزارت د ځوانانو چارو د معین په توګه
20. محترم مولوي صاحب سیف الدین تائب د چارو ادارې لوی ریاست د ارتباطاتو د معین په توګه
21. محترم مولوي فتح الله منصور د کندهار هوايي ډګر د مسئول په توګه
22. محترم حاجي محمد اسماعيل صاحب د نظامي محکمې د اجرائيه قواوو د قومندان په توګه
23. محترم مولوي صاحب عصمت الله عاصم د سرې مياشتي د ټولني د مرستیال په توګه
24. محترم مولوي صاحب رحيم الله محمود د کندهار د ۲۰۵ البدر قول اردو د مرستیال په توګه
25. محترم مولوي صاحب عبدالصمد د هلمند د ۲۱۵ عزم قول اردو د مرستیال په توګه
26. حاجي ملا ناصر اخند د ماليې وزارت د مرستیال په توګه
27. محترم مولوي صاحب عارف الله عارف د اوبو او انرژۍ وزارت د مرستیال په توګه