هغه افغان سرتېري او افسران چې تاجکستان ته اوښتي وايي، که چېرې تاجک چارواکو د وراوښتو اجازه نهوی ورکړی ښايي وژل شوي وی.
تاجکستاني چارواکي وايي، په تېرو دوو ورځو کې له افغانستان څخه تر زرو زیات افغان سرتېرو پناه وروړې ده.
محمد ظاهر د بدخشان په خواهان ولسوالۍ کې د سرحدي ځواکونو له مسؤلینو څخه دی. نوموړی د هغو ۱۰۰ څخه د زیاتو سرتېرو په ډله کې دی چې سیمهیې د طالبانو لهخوا نیول شوې او دوی د یکشنبې په ورځ د تاجکستان د شمسالدین شاهین سیمې ته په شا شوي دي.
دوی خپلې وسلې تاجک چارواکو ته سپارلې دي او دوی خپله پولې ته نږدې په شمسالدین شاهین سیمه کې ساتل کېږي.
نوموړي د ازادي راډیو تاجکستاني څانګې ته وویل، د شاتګ یو سببیې دا و چې د ولسي پاڅون یوه لویه ډله چې پرېکړهیې کړې وه د امنیتي ځواکونو ترڅنګ ودريږي او طالبانو پر ضد وجنګېږي له طالبانو سره یوځای شوه.
د محمد ظاهر په وینا، د ولسي پاڅون په نوم دې ډلې زیاته اندازه وسلې او مهمات هم درلودل او له طالبانو سرهیې جوړجاړی وکړ.
هغه وویل: "د ولسي پاڅون وسلهوال ټول راغلل له کنډک شااوخوا یې ونیوله. هغه کسان چې وسلهوال شوي وو. دوی له طالبانو سره جوړجاړی کړی و او طالبانو ته تسلیم شول."
دا افغان افسر وايي، تاجک پولهساتو دوی ومنل او د اوسېدو ځای او خواړهیې ورته برابر کړل.
خواهان په یو لوی پل افغانستان د تاجکستان د شمسالدین شاهین ولسوالۍ سره وصلوي.
دا مهال روښانه نهده چې د طالبانو د فشار له کبله تاجکستان ته د اوښتو دې افغان سرتېرو برخلیک به څنګه کېږي.
د افغانستان حکومت په دې اړه چې یو شمېر سرتېري یې د تاجکستان خاورې ته اوښتي د راپورونو له خپرېدو څو ورځې وروسته هم د ازادي راډیو هغو غوښتنو ته ځواب نهدی ویلی چې پر دې موضوعیې ترې تبصره غوښته.
افغان حکومت په ټولهییز ډول د طالبانو لهخوا پرلهپسې د ولسوالیو د نیولو راپورونو ته د غبرګون ښودلو یا تبصرې پر ځای چوپتیا غوره بللې او په دې اړهیې ډېر کله مسؤل چارواکي پوښتنې نهځوابوي.
د تاجکستان چارواکي وايي، د جون له ۲۲مې نېټې څخه تر اوسه شااوخوا ۱،۶۰۰ افغان سرتېرو د دوی خاورې ته پناه وروړې ده.
محمد ظاهر وايي، د دوی راتلونکی د لوړپوړو افغان چارواکو پرېکړې پورې تړاو لري. نوموړی وايي افغان دولت دې د تاجکستان له دولت سره د دوی د برخلیک په اړه تماس ونیسي او پرېکړه دې وکړي.
دی وايي: "زموږ د برخلیک پرېکړه د تاجکستان د سرحدي ځواکونو او د افغانستان او تاجکستان د حکومتونو لاس کې ده. موږ اوس نهپوهېږو، دې ته په تمه یو چې زموږ په اړه د افغانستان او تاجکستان دولتونه څه پرېکړه کوي. موږ د هغوی له پرېکړې سره سم عمل کوو."
د افغانستان په شمال کې په وروستیو میاشتو کې جګړو زور اخیستی.
یو شمېر سیمهییزو چارواکو ازادي راډیو ته ویلي دي، د بدخشان له ۲۷ ولسوالیو څخه تر ۲۰ زیاتې یې طالبانو نیولې دي. دا سیمهییزې سرچینې د موضوع د حساسیت له امله نهغواړي نومونهیې واخیستل شي.
د تاجکستان چارواکو د یکشنبې په ورځ وویل، طالبانو له دې هېواد سره د افغانستان تر ۹۰۰ کیلومترو زیاته پوله تر خپل واک لاندې راوستې ده.
خو افغان چارواکو تر اوسه په دې اړه څه نهدي ویلي.
