د چاپاني الاصله افغان مرسته رسونکي ټیټسو ناکامورا مړی چاپان ته ولېږدول شو.
افغانستان له خپل افتخاري تابیعت لرونکي ناکامورا له جسد سره خدای په اماني وکړه.
افغان ولسمشر د هغه د مړي د لېږدولو پر مهال، په ځانګړو دولتي مراسمو د نوموړي مړی پر خپلو اوږو ولېږداوه.
ولسمشر غني د کونړ د اوبو په مهارولو کې د نوموړي رول وستایه او ویې ویل، چې ناکامورا د افغانستان لپاره ډېر خدمتونه ترسره کړي دي.
نوموړي د چاپان خلکو ته د چاپاني اصله افغان د وژنې له امله د تسلیت مراتب وړاندې کړل.
هغه وايي: "نوموړي له انسان سره مینه لرله او توپیر یې نه پیژانده، د انسانیت او په ځانګړې توګه د افغانانو لپاره خپل ژوند وقف کړی و."
د ناکامورا د جسد د لېږد په مراسمو کې چې، د کابل په حامد کرزي نړیوال هوایي ډګر کې نیول شوی و، د نوموړي د کورنۍ غړو او د چاپان سفیر هم حضور درلود.
ولسمشر محمد اشرف غني د ناکامورا وژونکي، چې په کاکا مراد هم مشهور و، خاینین وبالل او یې ویل، چې د دوی به ونیول شي.
غني زیاته کړه: "د نوموړي قاتلین به جهنم ته ځي، د هېواد ملي پوځ، پولیس او ملي امنیت به دغه خاینین پیدا کړي او د قانون منګولو ته یې وسپاري."
ډاکتر ټیټسو ناکامورا د چهارشنبې په ورځ په جلال اباد کې د یو وسلوال برید په ترڅ کې ټپي شو چې، لږ ورسته یې بیا د سختو تپونو له امله ساه ورکړه.
د نوموړي د وژنې مسوولیت چا په غاړه نه دی اخیستی خو د ننګرهار والي ویاند عطاالله خوګیاڼي رسنیو ته ویلي چې د ډاکټر ناکامورا د وژلو طرحه له هیواد نه بهر جوړه
په دې پېښه کې د ناکامورا پنځه افغان همکاران هم ووژل شول.
د ډاکټر ناکامورا د وژل کېدو په اړه پرون په کابل کې د پاکستان سفارت مخې ته لاریون هم وشو.
لاریون کوونکو د پاکستان استخباراتي اداره یا (ISI) د ډاکټر ناکامورا او د هغه د پنځو همکارانو د وژنې په قضیه کې ښکېله وبلله.
په کابل کې د پاکستان سفارت په دې اړه تر اوسه څه نه دي ویلي.
ټیټسو ناکامورا ناکامورا ۷۳ کلن و، ده په افغانستان له تیرو دو لسیزو د کرنې او اوبو د مدیریت په برخه کې د پام وړ کارونه کړي دي او د سولې په نوم د یوې مرستندویه ټولنې رییس هم و
له دې وړاندې افغان ولسمشر د ټیټسو ناکامورا د ښه خدمتونو په خاطر نوموړي ته د افغانستان افتخاري تابیعت هم ورکړ.
د ټیټسو ناکامورا وژنې په افغانستان کې د عامو افغانانو پراخ غبرګون هم له ځانه سره درلود او دوی ناکامورا مشهور په کاکا مراد د افغانستان د خلکو په درد درمن او د دوی خدمتګار یاد کړ.
ولسمشر دغه شان وویل چې، د ټیټسو ناکامورا ټولې پروژې به دده په نوم نوموي.
