د افغانستان د انتخاباتي شکایتونو کمېسیون د کابل د ولسي جرګې د انتخاباتو ټولې رأیې باطلې اعلان کړې.
د دې کمېسیون غړیو دغه اعلان نن په کابل کې په یوه خبري غونډه کې وکړ او ویې ویل چې د دغو انتخاباتو په اړه د ور رسېدلو په سلګونو شکایتونو پر اساس یې دغه پریکړه کړې ده.
د انتخاباتو خپلواک کمېسیون چې تر اوسه یې د شاوخوا شلو ولایتونو د ولسي جرګې د انتخاباتو لومړنۍ نتیجې اعلان کړې وې او د کابل یې هم په دوه درې ورځو کې اعلانولې، تر اوسه د شکایتونو د کمېسیون د دغې پریکړې په وړاندې عکس العمل نهدی ښکاره کړی.
د دغه کمېسیون مرستیال ویاند میرزا محمد حقپرست وايي:
د انتخاباتي شکایتونو د کمېسیون د پریکړې له مخې په کابل کې باید د ولسي جرګې لپاره له سره انتخابات وشي.
تر دې مخکې په غزني ولایت کې هم دغه انتخابات نهدي شوي.