پهداسې حال کې چې له نغلو څخه ننګرهار او لغمان ته تللې برښنا پوره ۳۶ ورځې وړاندې د لغمان په بادپښ ولسوالۍ کې د وسلهوالو کسانو له لوري پرې شوې او ننګرهار او لغمان ولایتونه تیاره دي، د افغانستان د کورنیو چارو وزارت وايي چې د پرې شوې برښنا د لاینونو د بېرته تړل کېدو د امنیت د تأمین په برخه کې ترې د مرستې رسمي غوښتنه نهده شوې.
د دې وزارت مرستیال ویاند نصرت رحیمي د دوشنبې په ورځ «۱۳۹۷ کال د لړم ۱۴» ازادي راډيو ته وویل، دوی پوره چمتووالی لري چې د دغه لاینونو د تړلو پر مهال د سیمې امنیت تأمین کړي.
نوموړی وايي:
"موږ په امنیتي لحاظ کاملاً اماده یو، کوم تسهیلات چې پهدې برخه کې ورته اړتیا ده، اماده کوو یې، د برښنا شرکت او اړوند بنسټونه که له موږ په هره برخه کې مرسته وغواړي امنیتي ځواکونه به د دوی په خدمت کې وي، تر اوسه د برښنا شرکت له موږ څخه په رسمي ډول د مرستې غوښتنه نهده کړې که دوی د پوځي مرستې غوښتنه وکړي موږ هره لحظه اماده یو."
دا په داسې حال کې ده چې ۳۶ ورځې وړاندې په بادپښ ولسوالۍ کې چې د لغمان نسبتاً نارامه ولسوالۍ بلل کېږي، د وسلهوالو له لوري له نغلو نه لغمان او ننګرهار ته د تللې برښنا لاینونه پرې شوي دي چې له املهیې د ننګرهار او لغمان ولایت اوسېدونکي برښنا نهلري.
دا لومړی وار دی چې په بادپښ ولسوالۍ د برښنا یاد لاینونه قطع کېږي، بلکې له دې وړاندې په وار وار د وسلهوالو له لوري په لغمان او ننګرهار کې برښنا قطع شوې ده، خو دا لومړی ځل دی چې بېرته ترمیميې له میاشتې زیات وخت نیسي.
د بادپښ اوسېدونکو له دې وړاندې ویلي وو چې باید دغه ولسوالۍ ته هم برښنا ورکړل شي، خو دا ځليې غوښتنې نهدي په ډاګه شوي.
د وسلهوالو طالبانو ویاند ذبیحالله مجاهد ازادي راډيو ته په یو لیکلي پیغام کې یاده ستونزه سیمهییزه مسئله یاده کړې او ویلي یې دي چې دوی يې د حلولو په هڅه کې دي.
د افغانستان د برښنا شرکت وايي، که امنیتي ځواکونه ورسره مرسته وکړي، یاده ستونزه په څو ساعتونو کې حلولای شي.
د دې شرکت ویاند وحیدالله توحیدي د دوشنبې په ورځ ازادي راډيو ته وویل، هڅه کېږي چې یاده ستونزه د سیمې د قومي مشرانو او سپینږیرو په وسیله د خبرو له لارې حل شي.
ښاغلي توحیدي زیاته کړه:
"که موږ ته امنیتي ستونزه حل کړای شي، موږ کولای شو چې په ډېر کم وخت کې یعنې په درې یا څلورو ساعتونو کې د ننګرهار او لغمان برښنا وصل کړو، هلته امنیتي ستونزه شته، که موږ ته امنیتي حالات ښه شي او موږ ته اجازه راکړل شي، که هره مکمنه لاره وي که د سپینږیرو د خبرو له لارې هم وي او ساحه امن شي، زموږ همکاران ځي او برښنا رغوي."
ښاغلی توحيدي وايي چې له نغلو څخه ننګرهار او لغمان د تللې برښنا د دایمي ستونزې د حل په هدف په بدیلو لارو هم بحثونه پیل شوي، خو نوموړي ونهویل چې بدیله لاره به کومه یوه وي.
په همدې حال کې په ننګرهار کې په لسګونه مدني فعالانو د برښنا د نهموجودیت له امله په جلالاباد ښار کې د عدالت غوښتنې خیمه وهلې او د اعتراض په ډوليې یو شمېر لاټینونه په سړکونو ايښي دي.
مدني فعال راحت ګل زیارمل ازادي راډيو ته وویل، د عدالت غوښتنې دا خیمه به تر هغه ولاړه وي تر کومه ننګرهار او لغمان ته د تللې برښنا د امنیت دایمي حللاره ونهلټول شي.
نوموړی وايي:
"دا بېخي له تصوره پورته خبره ده، دلته د سیلاب قول اردو پرته ده، له دې نه شااوخوا په ۱۵ کېلو مترۍ کې یو څوک د برښنا لاینونه قطع کوي او د قول اردو په موجودیت او د حکومت په دومره امکاناتو کې بېرته نهتړل کېږي دا د ختیځو ولایتونو له ولسونو سره ستره جفا او غداري ده."
خو د حکومت اجرائیه رئیس عبدالله عبدالله د دوشنبې په ورځ د وزیرانو شورا له ناستې مخکې رسنیو ته وویل چې د ننګرهار او لغمان د برښنا په اړه په امنیت شورا کې د دغې ستونزې په دایمي حل بحثونه کېږي.
ښاغلي عبدالله دغهشان وویل چې د برښنا د مزو پرې کېدو د ننګرهار او لغمان په اقتصادي وضعیت بد اغېز کړی او خلکیې له سختو ننګونو سره مخ کړي دي.
راپور: اکرامالله اکرام
