په کندهار ولایت کې نن شنبه د ولسي جرګې د ۱۱ څوکیو لپاره انتخابات کېږي، له کندهاره ۱۱۲ کسانو د افغانستان ولسي جرګې...
په کندهار ولایت کې نن شنبه د ولسي جرګې د ۱۱ څوکیو لپاره انتخابات کېږي.
له کندهاره ۱۱۲ کسانو د افغانستان ولسي جرګې ته ځانونه کاندید کړي دي.
د تېرې اوونۍ له امنیتي پېښې وروسته چې له امله يې د امنيې قوماندان جنرال عبدالرازق او د ملي امنیت مشر جنرال مومن ووژل شول، په کندهار کې د ولسي جرګې انتخابات وځنډول شول.
د کندهار د انتخاباتو د کمېسیون مشر نعمت الله وردګ پرون ازادي راډیو ته وویل چې د رأیې ورکولو بهیر به د سهار له ۷ پیل او د مازیګر تر څلورو بجو دوام وکړي.
ده وویل:
"رأیې ورکوونکي به د سهار په ۷ بجو د رأیې ورکولو مرکزونو ته لاړ شي، د مازیګر تر څلورو بجو مونږ رسمي وخت لرو، خو بیا هم که څوک هلته پاتې وي او کتار کې ولاړ وي، زمونږ قانون دی چې خپل کار ته دوام ورکړو."
د انتخاباتو د خپلواک کمېسیون په وینا، په کندهار ولایت کې شااوخوا پنځه لکه او شپېته زره کسان د رأیې ورکولو په شرایطو برابر دي چې د رأیې ورکولو ۱۷۳ مرکزونه ورته جوړ شوي دي.
په کندهار ولایت کې ښځو هم له خپل سیاسي ګډون څخه ګټه واخيسته
محمد صادق رښتینی د رأیې ورکونې یو مرکز ته ورغلی دی.
ايډېټ:تمیم اخګر
نن شنبه په کندهار کې د ولسي جرګې ټاکنې روانې دي.
په کندهار کي د دغو ټاکنو په بهیر کې د ګډوډیو په هکله په دغه ولایت کې د ازادي راډيو خبریال صادق رښتیني د ټاکنو د ځایي کمېسیون له رئیس نعمت الله وردګ سره لنډه مرکه کړې او د ټاکنو پر وضعیت غږېدلی دی.
د دې مرکې د اورېدو لپاره لاندې لېنک کېکاږئ:
کندهار کې د ښځو د رايي ورکولو يو مرکز.
کندهار کې د ملالۍ ليسې د ښځو مرکز.
