د هلمند اوسېدونکي وایي، د کجکي د بند لږې اوبه به برېښنا او کرنه زیانمنه کړي.
که له یوې خوا ورښتونه کم شوي، له بلېخوا د اوبو له ذخیرې د ډېرو اوبو د وتلو او د ضایع کېدو مسئلې، ویل کېږي چې اوبه کمې کړي او د برېښنا تولید هم ورسره په بېساري ډول کم شوی دی.
د لښکرګاه اوسېدونکي په داسې حال کې د برېښنا له کموالي شکایت کوي چې د کرنې اوبرېښنا د ریاستونو مسؤلین یو بل ته د ملامتۍ ګوته نیسي.
د ازادي راډيو خبریال الیاس داعي پر همدغې موضوع راپور چمتو کړی دی.
د دې راپور د اورېدو لپاره لاندې لېنک کېکاږئ:
