سپینه ماڼۍ وايي، د امریکا د ملي امنیت سلاکار د استعفا سبب کومه قانوني مسئله نه بلکې د اعتماد کمېدل وو او ولسمشر ډونالد ټرمپ له مایکل فلین څخه وغوښتل چې استعفا ورکړي.
د سپینې ماڼۍ ویاند شان سپایسر پرون خبریالانو ته وویل، دا اقدام د کومې "قانونې مسئلې" له کبله نهو.
نوموړی وايي:
"د جنرال فلین پر اړوند مسئله مو له څو اوونیو راهیسې هره ورځ غور کاوه څو حقیقت پیدا کړو. دا د قانوني دلایلو له کبله نهو بلکې له دې امله چې د فلین او ولسمشر تر منځ د بارو سطحه راټیټه شوې وه، دې نتیجې ته ورسېدو چې ولسمشر د داسې یو بدلون راوستو احساس وکړ."
د سپینې ماڼۍ د ملي امنیت سلاکار مایکل فلین یوه ورځ مخکې له دې امله چې د ډسمبر په میاشت کې یې د روسیې له سفیر سره د خپلو خبرو اترو په اړه لوړپوړو امریکايي چارواکو ته پوره معلومات نهو ورکړي استعفا وکړه.
سپینې ماڼۍ متقاعد جنرال کیت کېلوګ د فلین ځای ناستی نومولی
سپینې ماڼۍ: د امریکا د ملي امنیت سلاکار مایکل فلین استعفا کړې
د روسیې له سفیر سره د فلین د خبرو پر مهال بارک اوباما د امریکا ولسمشر و او مایکل فلین لا د ملي امنیت سلاکار نهو.
دا هغه وخت و چې د امریکا ولسمشر بارک اوباما، د امریکا د ولسمشرۍ په انتخاباتو کې د روسیې د لاسوهنې په اړه د استخباراتي راپورونو وروسته پر روسیه د نویو بندیزونو یوه مجموعه چمتو کوله.
مایکل فلین د ډونالد ټرمپ مرستیال مایک پنس ته ویلي و، د دې بندیزونو په اړهیې د روسیې له سفیر سره خبرې نهدې کړي.
خو د فلین په استعفا لیک کې راغلي چې د دې خبرو اترو په اړهیې د ولسمشر مرستیال او نورو ته پوره معلومات نهو ورکړي چې له کبلهیې بخښنه غوښتې.
تر اوسه روښانه نهده چې د مایکل فلین پر ځای به څوک د سپینې ماڼۍ د ملي امنیت سلاکار وټاکل شي.
خو د سپینې ماڼۍ ویاند شان سپایسر وايي، ولسمشر ډونالد ټرمپ د دې څوکۍ لپاره پر څو پیاوړو کاندیدانو غور کوي.
دی زیاتوي:
"ولسمشر دا مهال د څو ډېرو پیاوړو کاندیدانو په اړه غور کوي. داسې یو څوک به وټاکي چې په دایمي توګه د ملي امنیت د سلاکار څوکۍ ډکه کړي."
د امریکا ولسمشر د ملي امنیت سلاکار استعفا عکسالعملونه هم درلودل.
جمهوري غوښتونکي سناتور جان مککېن په یوې اعلامیه کې ویلي، د فلین استعفا د روسیې په وړاندې د ټرمپ د ادارې پر نیت شکونه پیدا کړي دي.
یو بل جمهوري غوښتونکي سناتور روی بلانټ چې د سنا د استخباراتو کمېټې غړی دی په یوې راډیويي مرکه کې ویلي، د دې کمېټې استازي باید ډېر ژر له مایکل فلین سره خبرې وکړي او له هغه د زیاتو پوښتنو ځوابونه وغواړي.
خو د امریکا د استازو مجلس رئیس پال رایان پرون په یوه خبري غونډه کې وویل، په دې اړه له وخت مخکې قضاوت نهکوي.
