د لاسرسۍ وړ لېنکونه

تازه خبر
شنبه ۸ وږی ۱۴۰۴ کابل ۱۱:۱۸

کراچۍ: د پاکستان جنګي الوتکې غورځېدو له امله ٤ کسان ووژل


د پاکستان د سند ايالت په ستر صنعتي ښار کراچۍ کې د پاکستان د هوايي ځواک يوه روزنيزه الوتکه غورځېدلې، چې له امله يې ګڼو کسانو ته مرګ ژوبله اوښتې ده.

د کراچۍ ښار د امنيتي چارواکيو په وينا، د سه شنبې په ورځ د کراچۍ د بلديه ټاون په يوسف ګوټ نومي سيمه کې د پاکستان د هوايي ځواک روزنيزه الوتکه لوېدلې، چې په ترڅ کې يې د دوو پيلوټانو په ګډون لږ تر لږه ٤ کسان وژل شوي او ٤ نور ټپيان شوي دي.

چارواکي وايي، چې الوتکه د بسونو پر يوه تم ځاى پرېوتې، چې له امله يې ډېرو موټرونو او شاوخوا ودانيو ته هم سخت زيان رسېدلى دى.

دوى همداشان وايي، چې د پېښې ټپيان يې نيزدې روغتون ته لېږدولي او همداراز يې د اور لګېدو له امله يې د پېښې ځاى ته له نيزدو ودانيو څخه خلک خوندي ځايونه ته لېږدولي دي.

په کراچۍ کې د الوتکې د غورځېدو د پېښې يو تن عيني شاهد نظير خان د ازادي راډيو مشال څانګې ته وويل:

" الوتکه د ګڼې ګوڼې ځاى باندې غورځېدلې ده، چې له امله يې څلور بسونو او ډېرو خلکو ته زيان رسېدلى دى. د الوتکې تر لوېدو وروسته د بسونو په تم ځاى کې اور ولګېد، چې له امله يې ډېرو دوکانونو او کورونو ته هم زيان ورساوه."

د کراچۍ پوليس وايي، چې د پېښې سيمه کې محاصره کړې ده، سړکونه يې تړلي او خلکو ته اجازه نه ورکوي، چې د پېښې ځاى ته ولاړ شي.

د پاکستان د پوځي مقاماتو د وينا له مخې، تراوسه پورې په کراچۍ کې د الوتکې د غورځېدو لامل نه دى معلوم، خو په وينا يې چې په دې اړه يې پلټنې پيل کړي دي.

راپور: ذبيح شفق
XS
SM
MD
LG