د افغانستان د انتخاباتي شکایتونو کمیسیون د ولسمشرۍ د انتخاباتو ټول شکایتونه وڅیړل.
خو د انتخاباتي شکایتونو د کمیسیون ویاند چې کله تیر ماښام په کابل کې خبرې غونډې ته خبرې کولې دا یې ونه ویل، چې څومره رایي باطلې شوې دي او د کوم کاندید ډيرې رایي باطلې شوې دي. نادر محسني وویل:
″له دې سره علاقه نه لرو چې پوه شو چې څومره رایيو ته بیرته اعتبار ورکول کیږي او څومره راییو ته اعتبار نه ورکول کیږي.
دا د انتخاباتو د خپلواک کمیسیون دنده ده چې کومې رایي باطلې کوي هغه باطلې کړي او له سیستمه یې لرې کړي او هغې رایي چې سمې ګڼي هغو ته اعتبار ورکړي″
د انتخاباتو د خپلواک کمیسیون ویاند نور محمد نور ازادۍ راډیو ته وویل، که د انتخاباتي شکایتونو د کمیسیون له لورې مخکې دوی ته معلومات ورکړل شوی وای نو نتیجه به هرومرو په خپل وخت اعلان شوې وه، خو اوس که چیرته د باطلو شویو راییو اندازه ډیره نه وي بیا هم ممکنه ده چې نن د انتخاباتو خپلواک کمیسیون دا رایي وڅیړي او له ټاکلي جدول سره سم د ولسمشرۍ د انتخاباتو رسمي نتیجه اعلان کړي.
د انتخاباتي شکایتونو د کمیسیون ویاند نادر محسني د دوی د کمیسیون له لورې د شکایتونو د ځنډیدو د علت په اړه وویل:
″یو له هغو دلایلو چې موږ یوه ورځ تر ټاکلي جدول وروسته نتیجه اعلانوو دا ده چې شکایتونه ډیر وو او همداراز موږ غوښتل چې شویو شکایتونو ته ډیر دقت وکړو″
د انتخاباتو خپلواک کمیسیون د اپریل په پنځمه د ولسمشرۍ د انتخاباتو ابتدایي نتیجې اعلان کړې وې چې د هغو له مخې عبدالله عبدالله تر ټولو کاندیدانو مخکې و او څه کم درې میلیونه رایي خپلې کړې وې.
په ده پسې د اشرف غني احمدزي رایي ډیرې وې چې څه باندې دوه میلیونه رایي یې لرلې، خو د دې نتیجې له اعلان راوروسته د انتخاباتي شکایتونو کمیسیون شاوخوا دوه زره شکایتونه څیړلې دي، چې د انتخاباتو د کمیسیون د چارواکو په وینا په دغو شکایتونو کې نژدې نیمایي داسې دي چې د انتخاباتو پر نتیجو اغیز کوي.
یو شمېر کاندیدانو په وروستیو کې ځیني شکایتونه کړې دي خو د انتخاباتي شکایتونو کمیسیون وایي، چې د مې تر اوومې راوروسته شکایتونه له قانوني مرحلې وروسته شوې دي، نو له دغو شکایتونو څخه دوی په خپلو پریکړو کې د یوه معلوماتي سرچینې په حیث استفاده کړې ده او هغوی یې په هغه ډله شکایتونو کې نه دې حساب کړې چې څيړل کیږي.
خو د انتخاباتي شکایتونو د کمیسیون ویاند چې کله تیر ماښام په کابل کې خبرې غونډې ته خبرې کولې دا یې ونه ویل، چې څومره رایي باطلې شوې دي او د کوم کاندید ډيرې رایي باطلې شوې دي. نادر محسني وویل:
″له دې سره علاقه نه لرو چې پوه شو چې څومره رایيو ته بیرته اعتبار ورکول کیږي او څومره راییو ته اعتبار نه ورکول کیږي.
دا د انتخاباتو د خپلواک کمیسیون دنده ده چې کومې رایي باطلې کوي هغه باطلې کړي او له سیستمه یې لرې کړي او هغې رایي چې سمې ګڼي هغو ته اعتبار ورکړي″
د انتخاباتو د خپلواک کمیسیون ویاند نور محمد نور ازادۍ راډیو ته وویل، که د انتخاباتي شکایتونو د کمیسیون له لورې مخکې دوی ته معلومات ورکړل شوی وای نو نتیجه به هرومرو په خپل وخت اعلان شوې وه، خو اوس که چیرته د باطلو شویو راییو اندازه ډیره نه وي بیا هم ممکنه ده چې نن د انتخاباتو خپلواک کمیسیون دا رایي وڅیړي او له ټاکلي جدول سره سم د ولسمشرۍ د انتخاباتو رسمي نتیجه اعلان کړي.
د انتخاباتي شکایتونو د کمیسیون ویاند نادر محسني د دوی د کمیسیون له لورې د شکایتونو د ځنډیدو د علت په اړه وویل:
″یو له هغو دلایلو چې موږ یوه ورځ تر ټاکلي جدول وروسته نتیجه اعلانوو دا ده چې شکایتونه ډیر وو او همداراز موږ غوښتل چې شویو شکایتونو ته ډیر دقت وکړو″
د انتخاباتو خپلواک کمیسیون د اپریل په پنځمه د ولسمشرۍ د انتخاباتو ابتدایي نتیجې اعلان کړې وې چې د هغو له مخې عبدالله عبدالله تر ټولو کاندیدانو مخکې و او څه کم درې میلیونه رایي خپلې کړې وې.
په ده پسې د اشرف غني احمدزي رایي ډیرې وې چې څه باندې دوه میلیونه رایي یې لرلې، خو د دې نتیجې له اعلان راوروسته د انتخاباتي شکایتونو کمیسیون شاوخوا دوه زره شکایتونه څیړلې دي، چې د انتخاباتو د کمیسیون د چارواکو په وینا په دغو شکایتونو کې نژدې نیمایي داسې دي چې د انتخاباتو پر نتیجو اغیز کوي.
یو شمېر کاندیدانو په وروستیو کې ځیني شکایتونه کړې دي خو د انتخاباتي شکایتونو کمیسیون وایي، چې د مې تر اوومې راوروسته شکایتونه له قانوني مرحلې وروسته شوې دي، نو له دغو شکایتونو څخه دوی په خپلو پریکړو کې د یوه معلوماتي سرچینې په حیث استفاده کړې ده او هغوی یې په هغه ډله شکایتونو کې نه دې حساب کړې چې څيړل کیږي.