په کاپيسا کې د ازادۍ راډيو خبريال احمد هنايش وايي، د اله ساى ولسوالۍ اوسېدونکي شکايت لري، چې هلته هېڅ انتخابات نه دي شوي که څه هم هلته کومه جدي ستونزه نه وه.
په تګاب کې د رايې ورکولو څلور مرکزونه تړلي دي، خلک اندېښنه لري چې ښايي درغلي شوې وي.
د کابل په دشت برچي سيمه کې د ازادۍ راډيو خبرياله وايي په ګڼو مرکزونو د رايې ورکولو پاڼې خلاصې شوي او د دغو مرکزونو مسوولينو خلک ځواب کړي.
نن غرمه شاوخوا درې بجې د جلال اباد ښار د میدان په شاوخوا سیمو باندې راکټي بریدونه شوي،چې یو راکـتی برید د عامو خلکو پر کور شوی،چې د سیمې د خلکو په خبره له امله يې دوه تنه زخمیان شوی او بل راکتی برید چی پر سړک لګیدلی دوه تنه نور هم زخمیان شوی دی خو د عامې روغتیا یو تن کارمند بیا وايي تر اوسه ورته لس تنه زخمیان ورته له بیلابیلو سیمو نه راوړل شوي دي. بلخوا یو تن خبریال د ښیوې په ولسوالۍ کې د ملي اردو لخوا نیول شوی و،چې ژورنالستیکي وسایل هم ترې اخیستل شوي،د یو څه وخت وروسته اوس يې راخوشې کړی دی بیرته راستون شوی دی.