د ازادۍ راډيو خبرياله مرضيه احمدزۍ وايي، د کابل په چهلستون کې سهار مهال د ښځو شمېر کم و، خو اوس زياتې ښځې د رايې ورکولو مرکزونو ته ځي او خپلې رايې کاروي.
د کابل په کلوله پُشته کې د ازادۍ راډيو خبريالې ويدا بره کي وويل، په ځينو مرکزونو کې د رايو لپاره صندوقونه ناوخته کښېښودل شول. ځينو کسانو ته د مرکزونو پته نه وه معلومه. د هغې په خبره د خلکو لوى کتارونه ولاړ دي چې د ښځو ونډه هم په کې زياته ده.
د ازادۍ راډيو خبريال سيدشاه سقيم وايي: نن په زابل، غزني او ميدان وردګو کې هم د هېواد د نورو سيمو په څېر زرګونه خلک د رايې ورکولو د مرکزونو پر خوا روان دي او غواړي د پنځو راتلونکيو کلونو لپاره د هېواد ولسمشر وټاکي.
دوی وايي، رايه ورکول يې حق دی او هيڅ کومه ستونزه يې له رايې ورکولو څخه نه شي راګرځولای.
دوی وايي، رايه ورکول يې حق دی او هيڅ کومه ستونزه يې له رايې ورکولو څخه نه شي راګرځولای.