د کابل پوهنتون استاد احمد ضيا رفعت وايي په انتخاباتي مرکزونو کې د رايو پاڼو خلاصېدل يوه جدي ستونزه ده.
په کابل کې د ازادۍ راډيو خبريال جمشېد حبيبزاده وايي، په وزير محمد اکبر خان سيمه کې يوه انتخاباتي مرکز ته ورغلى، هلته ګڼ کسان شکايت لري چې د رايو پاڼې خلاصې شوي او کارکوونکو ته ورته ويلي چې د رايو د کارونې لپاره بل مرکز ته ورشي.
د انتخاباتو خپلواک کميسيون وايي داسې سيسټم يې جوړ کړى، چې يو سړى دوه يا درې ځلې رايه نه شي ورکولاى.