د کابل په بګرامۍ ولسوالۍ کې د ازادۍ راډيو خبريال نسيم شفق وايي، د رايې ورکولو په ځينو ساحو لکه حسين خېلو لېسه کې د رايې ورکولو پاڼې خلاصې شوې دي.
د نننيو انتخاباتو لومړنۍ پايلې د غويي يا ثور پر څلورمه اعلانېږي.
د امريکا سفارت افغان چارواکو ته د نننيو انتخاباتو له کبله مبارکي ويلې ده.
د انتخاباتو خپلواک کميسيون وايي تر دې شېبې پورې 3801084 کسانو خپلې رايې کارولي، چې 2462653 تنه يې نارينه، 1309000 تنه يې ښځې، 21322 تنه يې نارينه کوچيان او 8109 تنه يې ښځينه کوچيانې دي.