د کونړ امنیتي چارواکي وايي، ځيني انتخاباتي مرکزونه د ناامنیو له امله تړل شوي دي. د کونړ امنیې قومندان عبدالحبیب سیدخیل ازادي راډیو ته وویل، په چپې درې، دانګام او مرورې ولسوالیو کې د وسله والو مخالفینو له خوا په انتخاباتي مرکزونو باندې ډزې شوي چې له امله یې دا مرکزونه تړل شوي دي.
د کورنيو چارو وزارت وايي په انتخاباتو کې يې د درغلۍ په تور شپږ کسان نيولي دي.
د انتخاباتو د خپلواک کميسيون مشر يوسف نورستاني وايي په تاله و برفک ولسوالۍ کې وسلوالو مخالفانو د رايې د وو ساحو صندوقونه اوبو ته اچولي.
د انتخاباتو خپلواک کميسيون مشر يوسف نورستاني وايي که چېرې کوم کانديد نن (د چوپتيا په دوره) کې کمپاين کوي، بايد له دې کاره ډډه وکړي.