د بریتانیا د بهرنیو چارو وزیر ویلیام هیګ وایي، د سوریې ولسمشر بشارالاسد په راتلونکي حکومت کې ونډه نشي لرلی.
نوموړی پرون په لندن کې د سوریې د دوستانو د ډلې د بهرنیو چارو وزیرانو د غونډې کوربه و.
د امریکا د بهرنیو چارو وزیر جان کري خبرداری ورکړ چې؛ د سوریې کورنۍ جګړه یواځې د دی هېواد د کیمیاوي وسلو په له منځه وړلو نشي هواریدی.
د بریتانیا د بهرنیو چارو وزیر وایي، لویدیځ او غرب ډيپلوماتانو موافقه وکړه چې؛ د سوریې ولسمشر بشارالاسد په راتلونکې حکومت کې هیڅ رول نشي لوبولی.
ویلیام هیګ دا څرګندونې پرون په لندن کې د سوریې د دوستانو د ډلې د بهرنیو چارو وزیرانو سره له کتنې وروسته وکړې.
دا غونډه د دې لپاره جوړه شوې وه چې؛ د دې ډلې غړي وهڅوي چې راتلونکې میاشت په جنیوا کې د سولې په مهم کنفرانس کې ګډون وکړي:
(موږ موافقه وکړه چې؛ په ګډه او یو موټی به د ملګرو ملتونو په مشرۍ د جینوا دوه د سولې د کنفرانس د عملیې تر شاه دریږو.
دا کنفرانس باید د دوه اړخیز توافق له لارې یوه انتقالي واکمنه اداره چې؛ بشپړ اجرایوي صلاحیتونه ولري، رامنځ ته کړي.
په دې اړه د جینوا د ۲۰۱۲ کال د جون په اعلامیې کې موافقه شوې وه. دوه اړخیز توافق په دې مانا چې یواځې او یواځې د سوریې ملي ایتلاف په موافقه دغه اداره رامنځ ته کیدای شي.
په دې توګه ولسمشربشارالاسد د سوریې په راتلونکې حکومت کې هیڅ ونډه نشي اخیستی.)
د سوریې ملي شورا چې د مخالفینو د ملي ایتلاف یوه مهمه ډله ده، مخکې له مخکې ویلي چې نه غواړي په دې کنفرانس کې چې د جینوا دوه په نوم یاد شوی، ګډون وکړي.
د نومبر ۲۳ د دغه کنفرانس لپاره یوه احتمالي نیټه تعین شوې ده.
د سوریې ملي شورا دغه راز د هرډول موافقې دمخه له قدرته د بشارالاسد د لیرې کیدوغوښتنه کړې ده.
د بریتانیا د بهرنیو چارو وزیر د سوریې پرملي ایتلاف غږ وکړچې له ستونزو سره سره چې دغه ایتلاف ورسره مخام دی، د جنیوا په دوهم کنفرانس کې ګډون وکړي.
د امریکا د بهرنیو چارو وزیر جان کري چې په لندن کې د سوریې د دوستانو د ډلې په غونډه کې برخه اخیستې وه، خبریالانو ته وویل چې دا ضروري ده چې د سوریې د جګړې دواړه خواوې د خبرو میز ته کښیني که نه دا هیواد به له داخله منفجر شي.
د سوریې ولسمشربشارالاسد د دوشنبې په ورځ وویل چې؛ غواړي په ۲۰۱۴ کال کې بیا ځان د جمهوری ریاست څوکۍ ته کاندید کړي او دی هغه عوامل نه ویني چې د جینوا کنفرانس به بریالی شي.
پرکري او هاګ سربیره د لندن په خبروکې د مصر، فرانسې، جرمني، ایتالیا، اردن، قطر، سعودي عربستان، ترکیې او عربي متحد اماراتو د بهرنیو چارو وزیرانو ګډون کړی و.
په داسې حال کې چې نړیوال پلټونکي په سوریه کې د کیماوي وسلو د له منځه وړلو کارته دوام ورکوي د امریکا د بهرنیو چارو وزیر دغه رازخبرداری ورکړچې په سوریه کې په بشپړه توګه د کیماوي وسلو له منځ وړل نشي کولای چې په دې هیواد کې کورنۍ جګړه پای ته ورسوي.
نوموړی پرون په لندن کې د سوریې د دوستانو د ډلې د بهرنیو چارو وزیرانو د غونډې کوربه و.
د امریکا د بهرنیو چارو وزیر جان کري خبرداری ورکړ چې؛ د سوریې کورنۍ جګړه یواځې د دی هېواد د کیمیاوي وسلو په له منځه وړلو نشي هواریدی.
د بریتانیا د بهرنیو چارو وزیر وایي، لویدیځ او غرب ډيپلوماتانو موافقه وکړه چې؛ د سوریې ولسمشر بشارالاسد په راتلونکې حکومت کې هیڅ رول نشي لوبولی.
ویلیام هیګ دا څرګندونې پرون په لندن کې د سوریې د دوستانو د ډلې د بهرنیو چارو وزیرانو سره له کتنې وروسته وکړې.
دا غونډه د دې لپاره جوړه شوې وه چې؛ د دې ډلې غړي وهڅوي چې راتلونکې میاشت په جنیوا کې د سولې په مهم کنفرانس کې ګډون وکړي:
(موږ موافقه وکړه چې؛ په ګډه او یو موټی به د ملګرو ملتونو په مشرۍ د جینوا دوه د سولې د کنفرانس د عملیې تر شاه دریږو.
دا کنفرانس باید د دوه اړخیز توافق له لارې یوه انتقالي واکمنه اداره چې؛ بشپړ اجرایوي صلاحیتونه ولري، رامنځ ته کړي.
په دې اړه د جینوا د ۲۰۱۲ کال د جون په اعلامیې کې موافقه شوې وه. دوه اړخیز توافق په دې مانا چې یواځې او یواځې د سوریې ملي ایتلاف په موافقه دغه اداره رامنځ ته کیدای شي.
په دې توګه ولسمشربشارالاسد د سوریې په راتلونکې حکومت کې هیڅ ونډه نشي اخیستی.)
د سوریې ملي شورا چې د مخالفینو د ملي ایتلاف یوه مهمه ډله ده، مخکې له مخکې ویلي چې نه غواړي په دې کنفرانس کې چې د جینوا دوه په نوم یاد شوی، ګډون وکړي.
د نومبر ۲۳ د دغه کنفرانس لپاره یوه احتمالي نیټه تعین شوې ده.
د سوریې ملي شورا دغه راز د هرډول موافقې دمخه له قدرته د بشارالاسد د لیرې کیدوغوښتنه کړې ده.
د بریتانیا د بهرنیو چارو وزیر د سوریې پرملي ایتلاف غږ وکړچې له ستونزو سره سره چې دغه ایتلاف ورسره مخام دی، د جنیوا په دوهم کنفرانس کې ګډون وکړي.
د امریکا د بهرنیو چارو وزیر جان کري چې په لندن کې د سوریې د دوستانو د ډلې په غونډه کې برخه اخیستې وه، خبریالانو ته وویل چې دا ضروري ده چې د سوریې د جګړې دواړه خواوې د خبرو میز ته کښیني که نه دا هیواد به له داخله منفجر شي.
د سوریې ولسمشربشارالاسد د دوشنبې په ورځ وویل چې؛ غواړي په ۲۰۱۴ کال کې بیا ځان د جمهوری ریاست څوکۍ ته کاندید کړي او دی هغه عوامل نه ویني چې د جینوا کنفرانس به بریالی شي.
پرکري او هاګ سربیره د لندن په خبروکې د مصر، فرانسې، جرمني، ایتالیا، اردن، قطر، سعودي عربستان، ترکیې او عربي متحد اماراتو د بهرنیو چارو وزیرانو ګډون کړی و.
په داسې حال کې چې نړیوال پلټونکي په سوریه کې د کیماوي وسلو د له منځه وړلو کارته دوام ورکوي د امریکا د بهرنیو چارو وزیر دغه رازخبرداری ورکړچې په سوریه کې په بشپړه توګه د کیماوي وسلو له منځ وړل نشي کولای چې په دې هیواد کې کورنۍ جګړه پای ته ورسوي.