د افغانستان د انتخاباتو د خپلواک کمیسیون له خوا د هېواد په بېلابېلو سیمو کې د نا امنیو له امله د څه باندې ۹۰۰ مرکزونو د تړل کېدو اعلان یو شمېر خلک او د ولسي جرګې راتلونکو انتخاباتو ته یو شمېر کاندیدان اندېښمن کړي دي.
دوي وايي، د ولسي جرګې د انتخاباتو په ورځ د راېو د مرکزونو تړل به ګڼ شمېر خلک د رایې له ورکولو بې برخې کړي.
یو شمېرعام وګړي وایي، چې د افغانستان په زیاترو سیمو کې د راېو د دغو مرکزونو په تړل کېدو سره به د ولسي جرګې انتخابات تر پوښتنې لاندې راشي.
د افغانستان د انتخاباتو خپلواک کمیسیون څو میاشتې مخکې په ټول هېواد کې د ۶۸۰۰ د راېو د مرکزونو فهرست امنیتي ارګانونو ته واستاوه چې د امنیت په اړه یې ډاډ ترلاسه کړي، خو د افغانستان د انتخاباتو خپلواک کمیسیون د چهارشنبې په ورځ اعلان وکړ، چې د امنیتي ستونزو له امله به د هېواد په ۲۵ ولایتونو کې څه باندې ۲۴۰۰ د رایو ورکولو محلونه د انتخاباتو د امنیتي پروګرام تر پوښښ لاندې رانه شي.
ویل کیږي، چې غزني ولایت هم له هغو ولایتونو څخه دی، چې تر ټولو ډیر د رایې ورکولو مرکزونه به په کې تړلې وي.
د ولسي جرګې انتخاباتو ته د غزني ولایت یو شمېر کاندیدان هم له دې امله اندېښنه لري، چې د دغه ولایت ډېر شمېر خلک به له خپلو حقونو څخه محروم شي.
په همدې حال کې د افغانستان د انتخاباتو د خپلواک کمیسیون ريیس فضل احمد معنوي وایي، چې د راېو د مرکزونو له تړل کېدو سره سره د شفافو انتخاباتو ترسره کېدل ممکن دي:
( که د راېو ۱۴۴۸ تړل شوي محلونه هم ولرو، نو فکر نه کوم، چې له ډېرو ستونزو سره مخ شو. دغه مرکزونه له ډېر مجبوريته تړل شوي.
د افغانستان حالت له هیچا پټ نه دی. د دې پرځاې چې غیر شفاف او نا سم انتخابات ولرو، غوره دی چې ښه انتخابات ولرو که هرڅو د راېو مرکزونو د تړل کېدو په هکله ستونزې هم ولرو.)
ټاکل شوې، چې په افغانستان کې د ولسي جرګې انتخابات د روان کال د سنبلې یا وږي میاشتې ۲۷ نېټه وشي، په دې انتخاباتو کې له ټول افغانستان څخه د څلورو سوو ښځو په ګډون ۲۵۰۰ کسانو د ولسي جرګې ۲۴۹ څوکیو ته ځانونه کاندید کړي دي.
خبریاله : ماریا صدیقي
دوي وايي، د ولسي جرګې د انتخاباتو په ورځ د راېو د مرکزونو تړل به ګڼ شمېر خلک د رایې له ورکولو بې برخې کړي.
یو شمېرعام وګړي وایي، چې د افغانستان په زیاترو سیمو کې د راېو د دغو مرکزونو په تړل کېدو سره به د ولسي جرګې انتخابات تر پوښتنې لاندې راشي.
د افغانستان د انتخاباتو خپلواک کمیسیون څو میاشتې مخکې په ټول هېواد کې د ۶۸۰۰ د راېو د مرکزونو فهرست امنیتي ارګانونو ته واستاوه چې د امنیت په اړه یې ډاډ ترلاسه کړي، خو د افغانستان د انتخاباتو خپلواک کمیسیون د چهارشنبې په ورځ اعلان وکړ، چې د امنیتي ستونزو له امله به د هېواد په ۲۵ ولایتونو کې څه باندې ۲۴۰۰ د رایو ورکولو محلونه د انتخاباتو د امنیتي پروګرام تر پوښښ لاندې رانه شي.
ویل کیږي، چې غزني ولایت هم له هغو ولایتونو څخه دی، چې تر ټولو ډیر د رایې ورکولو مرکزونه به په کې تړلې وي.
د ولسي جرګې انتخاباتو ته د غزني ولایت یو شمېر کاندیدان هم له دې امله اندېښنه لري، چې د دغه ولایت ډېر شمېر خلک به له خپلو حقونو څخه محروم شي.
په همدې حال کې د افغانستان د انتخاباتو د خپلواک کمیسیون ريیس فضل احمد معنوي وایي، چې د راېو د مرکزونو له تړل کېدو سره سره د شفافو انتخاباتو ترسره کېدل ممکن دي:
( که د راېو ۱۴۴۸ تړل شوي محلونه هم ولرو، نو فکر نه کوم، چې له ډېرو ستونزو سره مخ شو. دغه مرکزونه له ډېر مجبوريته تړل شوي.
د افغانستان حالت له هیچا پټ نه دی. د دې پرځاې چې غیر شفاف او نا سم انتخابات ولرو، غوره دی چې ښه انتخابات ولرو که هرڅو د راېو مرکزونو د تړل کېدو په هکله ستونزې هم ولرو.)
ټاکل شوې، چې په افغانستان کې د ولسي جرګې انتخابات د روان کال د سنبلې یا وږي میاشتې ۲۷ نېټه وشي، په دې انتخاباتو کې له ټول افغانستان څخه د څلورو سوو ښځو په ګډون ۲۵۰۰ کسانو د ولسي جرګې ۲۴۹ څوکیو ته ځانونه کاندید کړي دي.
خبریاله : ماریا صدیقي