4-май күнү “Казакстан” социал-демократиялык партиянын мүчөсү Марина Сабитова менен журналист В. Ковтуновский Кыргызстанга киргизилген жок. Казакстандык жарандар Кыргызстанга “Ата Мекен” партиясынын чакыруусу менен келе жатышкан. “Ата мекен” партиясынын төрагасы Өмүрбек Текебаев “Азаттыкка” берген маегинде жогорудагы окуяны Кыргызстандагы саясий куугунтуктун жана адам укуктарынын басмырланышы катары айыптады.
Башкы прокуратура 13-мартта Аламүдүн капчыгайында болгон кандуу окуя боюнча тергөө иши аяктап, сотко жиберилгенин жарыя кылды. Ал эми ЖК депутаты Санжарбек Кадыралиевдин өлүмүнө байланыштуу иш тергөөдө.
Кыргызстандын акыйткатчысы Турсунбек Акун кечээ Петровкага барып, абал менен таанышып, жергиликтүү кыргыз-орус эли менен күрт улутундагылардын жолугушуусуна күбө болуп келди. Акыйкатчы Петровкадагы улуттар аралык жаңжалга чейин өсүп жеткен тополоңго жергиликтүү бийлик менен күч органдарынын күнөөсү бар, ошондой эле айыл аксакалдары мындай окуялардын алдын алып, жаштарды тыйууга тийиш болчу, деп эсептейт.
“Намыс” уюмунун лидери, укук коргоочу Уран Рыскулов Петровка айылындагы болгон окуяга күнөөлүү деп айыпталып үч күн камакта отуруп чыкты. Милиция аны негизсиз камаганы аз келгенсип, күнөөсүн териштирбей туруп, “ууру мышыктай” кылып, тымызын чыгарып жиберген. Уран Рыскулов “Азаттык” менен байланышып, ал жактагы соңку кырдаалды баяндап берди.
Бүгүн бийликчил “Ак жол” партиясы өз курултайын өткөрүп, анда президенттик шайлоого талапкер катары Курманбек Бакиевди көргөзөөрү күтүлүп жатат. Бир апта мурда «Ак жолдун» саясий кеңеши жыйын куруп, партиянын төрагасынын орун басары Элмира Ибраимованы өз катарынан чыгарган болчу. Анын себеби - Э.Ибраимованын президент К.Бакиевге жазган ачык каты.
Депутат Руслан Шаботоев менен Жусупжан Жээнбековдун уулу Бахтияр Амиражановдун өлүү-тирүү экендигинен туугандары да кабардар деген айыңдар айтылып жатат. Ички иштер министри Молдомуса Конгантиевдин айтуусунда, мындай сөздөр издөө иштерин оор жагдайга туш кылып, адаштырып жатат.
14-апрелде Жогорку Кеңештин депутаты Санжарбек Кадыралиев киши колдуу мерт болду. Бул трагедия Кыргызстанда буюртма киши өлтүрүүлөр тыйылгандын ордуна кайра өнөкөт көрүнүшкө айланып баратканын көрсөттү. Күч органдары уюшкан кылмыштуулукка каршы мажүрөөлүк кылып жатабы же кылмыш чөйрөсү бийликтин башына чыгып алганбы деген убайым суроолор кыргыз журтун ой-санаага салып турган чагы.
БЭКтин штаб жетекчиси Азимбек Бекназаров депутат Санжар Кадыралиевдин атылып өлтүрүлгөн окуясын "Азаттыкка" комментарийлеп, “Ак жол” партиясы өзүнүн ичиндеги көп сыр билген адамдардан “тазаланып” жатат деп билдирди. Башка адамдар бул окуя криминалдык чөйрөнүн ичиндеги чыр-чатактын натыйжасы болушу мүмкүн деп божомолдоп жатышат.
Ишенбай Кадырбеков убактылуу үй камагына чыгарылды. Акыйкатчы Турсунбек Акун жана адвокат Азимбек Бекназаров абактагы саясатчыны бошотуу Ак үй менен сүйлөшүүлөрдүн натыйжасында ишке ашканын айтышууда.
Президенттик администрациянын мурдагы башчысы Медет Садыркуловдун өлүмү көпчүлүктүн көңүл кырындагы окуя болуп калды. Анын сөөгү, так айтканда, таанылгыс болуп күйүп кеткен сөөгүнүн күлдөрү кечээ Бишкекке жакын Басбөлтөккө коюлду. Ал арада ички иштер министрлиги автокырсыктан башка версияларды көшөрүп, карабай жатат. Талдоочулар да, карапайым адамдар да М.Садыркуловдун өлүмү – саясий буйруктун жыйынтыгы экенине эч күмөн санашпайт.
М. Садыркуловдун өлүмү табышмак бойдон калып, коомчулукта ар кандай жоромолдор айтылууда. Бул окуяны саясий себептер менен байланыштырган мындай божомолдорго канчалык негиз бар? “Азаттыктын” ушул өңүттөгү суроолоруна бул кырсыкка кабылаардан бир күн мурда маркум менен сүйлөшүп калган “Улуу биримдик” партиясынын төрагасы Эмилбек Каптагаев жооп берди.
Президенттик администрациянын мурдагы жетекчиси Медет Садыркулов, президентке караштуу Стратегиялык изилдөөлөр институтунун мурдагы директору Сергей Слепченко, айдоочу Кубат Сулаймановдун 13-мартта курман болгондугу ДНК анализдердин негизинде аныкталганын Кыргызстандын Башкы прокуратурасы бүгүн ырастады.
Дагы жүктөңүз
