Өзгөн шаарында «Бакиев» деген жазуусу бар кийимчен спортсмендер президентикке талапкер Алмазбек Атамбаевдин сүрөттөрүн жана плакаттарын жыйнап кетишти. Мындан тышкары СДПны колдогондорду коркутуп-үркүтүү ачык мүнөзгө өттү.
Дайынсыз жоголгон ишкер Бактыяр Амиражановдуку болушу ыктымал адам сөөгү табылгандыгы жөнүндө кабар тарады. Ички иштер министри М. Конгантиев бул сөөк жоголгон ишкердики экени ДНК текшерилгенден кийин гана так аныкталарын билдирди.
Шайлоо алдындагы үгүт иштерине көз салган байкоочулар талапкерлер арасында теңчилик болбой, кызматтагы президент К. Бакиевке административдик ресурс бүт иштеп жатканын белгилешүүдө. Бул жөнүндө “Жарандык коом коррупцияга каршы” укук коргоо борборунун лидери Төлөйкан Исмаилова "Азаттыктагы" маегинде кеп салат.
12 күн мурда Ноокат районунда сабалып, оор абалда ооруканада жаткан журналист Алмаз Ташиев жекшембиде кечке жуук дүйнө салды. Жакындары аны милиция кызматкерлери себепсиз сабаганын билдирүүдө.
Президенттикке талапкер, “Ак шумкар” саясий партиясынын төрагасына жана анын тобуна кечээ түн ортосунда Таш-Көмүр шаарында жергиликтүү бийлик тарабынан кысым болуп, алар түн ичинде шаарды таштап чыгып кетүүгө аргасыз болгон. Бул тууралуу талапкердин ишенимдүү өкүлү Уланбек Карыпов “Азаттыктын” таңкы түз обосунда кеп салып берди.
Бүгүн Биринчи май райондук соту А.Атамбаевдин БШКга каршы берилген доо арызын карап, Бишкек, Ош шаардык шайлоо комиссияларынын курамын өзгөртүү боюнча БШКнын аракетинде эч кандай мыйзам бузуулар жок деп тапты. Атамбаев БШК менен соттошуп аткан учурда президенттикке дагы бир талапкер Н.Мотуев аны үгүт жүргүзүү тартибин бузду деп айыптап сотко арыз жазып, президенттик жарыштан чыгаруу талабын коюуда.
1-июлда жаштардын “Мен ишенбейм" кыймылы Бишкектеги "Ала-Тоо" аянтында таза шайлоого чакырган акция өткөрдү. Ага элүүдөй адам чогулуп, президенттик шайлоодо көз боемочулук, ыплас технолиялардын колдонулушуна жол бербөөгө чакырышты.
Президенттике талапкер Алмазбек Атамбаевдин түштүк жергесинде жолугушуулары бүгүн Баткенде жыйынтыкталды. БЭКтин талапкеринин облус борборундагы шайлоочулар менен жолугушуусу бийлик тарап менен оппозицияга тарапкер аялдардын чыры менен коштолду.
Мурдагы тышкы иштер министри, “Акыйкат үчүн” кыймылынын жетекчиси Аликбек Жекшенкуловдун ишин кароону Бишкектин Биринчи Май райондук соту 3-июлга которду. Айыпталгандардын жактоочулары толук болбой жаткандыктан сот бул ишти кароону улам которуп жатат. Тышкы иштер министри кызматынан кеткенден кийин оппозицияга оогон Аликбек Жекшенкуловго аталган министрликтин имаратын оңдоого ашыкча каражат сарптаган жана түркиялык ишкердин өлүмүнө катышы бар деген айып коюлууда.
“Асман пресс” гезитинин 24-санында БЭКтин президенттикке бирдиктүү талапкери А.Атамбаев Ала-Бука районунда эл менен мас абалында жолукту деген макала чыкты. Жогорку Кеңештеги СДПК фракциясынын лидери Бакыт Бешимов А. Атамбаев Ала-Букада болгон эместигин белгилеп, гезит маалыматын төгүндөп чыкты.
Бириккен оппозициянын президентикке талапкери Алмазбек Атамбаев Ош жергесинин шайлоочулары менен жолугушуусун улантууда. Ал Кыргызстандын түштүк борборундагы кездешүүдө өзүнүн жана үй-бүлөсүнүн өмүрү коркунучта турганы жарыя кылды. Ошондой эле СДПдан Жогорку Кеңешке депутат болгон Руслан Шаботоевдин эбак өлтүрүлгөндүгүн, партиялашы - парламенттин мүчөсү Жусупжан Жээнбековду эмне үчүн уюмдан кетүүгө мажбурлагандыгын ачыктады.
23-июлда Конституциялык Сот И. Исаков жана Э. Каптагаевдин арызын карап, аны канааттандырды. Арыздануучулар Конституцияга ылайык акыркы чечимди Жогорку Сот гана чыгара алат, ал эми экинчи инстанциядагы соттордун даттанууга болбойт деген акыркы чечимдери мыйзамсыз экенин аныктап берүүнү суранышкан.
Дагы жүктөңүз
