Сүрөт баян
"Кыз төрөгөнүм үчүн урчу". Кызыл камчы күйөөдөн качкан Асел
"Экинчи кызым төрөлгөндө эле күйөөм менен ажырашкам. Кыздарымды бала багуучуга каратып, өзүм иштеп жаткам. Пандемия башталып, жумушум токтоп калганда ачка калдык. Айла жок күйөөмө кайтып келдим... Анан үчүнчү кызым төрөлдү...".
Кыргызстанда жыл башынан бери 8000ден ашуун үй-бүлөлүк зомбулук фактысы катталган. Акыркы жылдары зөөкүр күйөөсүнөн качып, кризистик борборлордо баш калкалаган аялдардын саны көбөйгөн. 20 жаштагы Асел да азыр үч кызы менен чоң муштум күйөөсүнөн качып, курбусунун үйүндө убактылуу жашап жатат.
Мээримдүү адамга жолуккан жолбун иттин жашоосу
"Бир күнү жумуш менен Беш-Күңгөйдү көздөй бара жаткам. Алдыда бара жаткан машинелердин бир нерсени айланып өтүп жатканын байкадым. Жакын барсам күчүк жатыптыр. Аны машине тебелеп кеткен экен. Жолдун жээгине чыгарып салайын деп машинемден түшүп, жанына барсам, тирүү экен. Мени көрө калып качканга аракет кылды. Бир көзү сыртка агып калыптыр. Буту сынган. Эптеп сүйрөлүп жол жээгине чыкты. Жамгыр жаап жаткан. Күчүккө аябай боорум ооруду. Жок дегенде кыйналбай өлсүн деп жаман чүпүрөккө ороп, жакын жердеги ветеринарга алып бардым", - дейт Денис Реут ити Гадсондун ошол күнү тартылган сүрөттөрүн көрсөтүп жатып.
Бишкек шаарынын тургуну Денис Реут эки жыл мурда жолбун итти таап алган. Ага Гадсон деп ат койгон. Азыр Гадсон Реуттардын үй-бүлө мүчөсүнө айланган.
Кыргызстанда парламенттик шайлоо өттү
Добушканаларда санитардык-эпидемиологиялык талаптарды сактоого аракет көрүлдү.
Ош: лөлү мааледеги добуш берүү
Лөлү тектүүлөр Ош шаарынын четиндеги Жаңы-Кыштак айылында жашайт.
Бүгүн Кыргызстанда парламенттик шайлоо
Кыргызстан боюнча бүгүн, 28-ноябрда эртең мененки саат 8:00дөн тарта шайлоо тилкелери ачылды.
Кара-Кече: кезек күтүп кезерген айдоочулар
Кара-Кече кенинде кезек күткөн автоунаалар. 19-ноябрь, 2021-жыл.
"Азаттык" радиосунун кабарчысы Кара-Кече көмүр кенине барып, кырдаалды өз көзү менен көрүп келди.
Жол кырсыктарынын курмандыктары эскерилди
Бишкекте 21-ноябрда жол кырсыктарынын курмандыктарын эскерүү күнүнө карата акция өттү. Бул жолку акция "Жөө жүргүнчүлөрдүн коопсуз өткөөлү" деген кампаниянын алдында уюштурулду.
Улуттук тарых музейиндеги жаңылыктар
Экспонаттарды көрүп жаткан кыздар.
Дээрлик беш жыл жабык турган Улуттук тарых музейи 19-ноябрда салтанаттуу түрдө ачылды. Музей 20-ноябрдан баштап көрүүчүлөрдү кабыл алып баштайт. Алгачкы он күндө кирүү акысыз болот.
Кадр артында: сүрөттөгү тарых
Режиссёр Геннадий Базаров өзү тарткан "Буктурма" тасмасында. 1968-жыл.
Бүгүн, 17-ноябрда кыргыз киносунун түптөлгөнүнө 80 жыл толду. 1941-жылы 17-ноябрда Фрунзеде (азыркы Бишкек) “Кыргызфильм” киностудиясынын пайдубалын түптөгөн хроникалык-даректүү тасмалар студиясы ачылып, алгачкы жолу “Советская Киргизия” деген кинохроника тартылган. 1960-1970-жылдары тартылган тасмалар “Кыргыз керемети” деген атка татыган.
Шахматка кызыккан кыздар көбөйүүдө
10 жаштагы кыздар арасындагы мелдеште алтын медал тагынган Айжан Сабырбекова. Айжан акыл таймашында жети атаандашын утуп, биринчи орунду ээледи.
Жекшембиде шахмат боюнча президенттин кубогу жыйынтыкталды. Бир жумага созулган мелдеште 6 жаштан 14 жашка чейинки жаш шахматчылар күч сынашты.
Чокморов- кыргыз киносунун легендасы
Чокморов алгачкы ирет 1968-жылы режиссер Болот Шамшиевдин “Караш-Караш окуясы” фильминдеги башкы каарман Бактыгулдун ролун аткарып, буга чейин киного тартылып көрбөгөндүгүнө карабастан, башкы каарманды такшалган таланттуу актерлордун деңгээлинде ойноп, киного келген.
Сүймөнкул Чокморов 1939-жылы 9-ноябрда Чүй облусундагы Чоң-Таш айылында туулган. Ал тирүү болгондо быйыл 82 жашка чыкмак.
Коомдук транспорт: тариф өзгөрдү, шарттар ошол эле
Шаардык бийлик жаңы тарифтин кириши менен маршруттук такси жана автобустарга талап күчөй турганын, ашыкча жүргүнчү салууга тыюу салынарын билдирген эле.
ЖЭБдин ишке киргенине 60 жыл болду
Бишкек жылуулук электр борбору 1958-жылы курулуп баштап, 1961-жылы ишке кирген.
Бишкекти жылуулук менен камсыз кылган жылуулук электр борбору (ЖЭБ) 1961-жылы сентябрда ишке кирген. Учурда ишканада 1600 киши иштейт.
Бишкектин коңур күзү
Бул сүрөт француз жазуучусу Альбер Камюнун "Күз - жаратылыштын экинчи жазы, анда ар бир жалбырак гүлгө айланат" деген сөзүн эрксизден эске салат.
Октябрдын аягы - күз Бишкекти кызгылт сары түскө боёп турган кез.
Улуттук колоритке басым жасаган мода көргөзмөсү
Дефиледе негизинен улуттук колоритти камтыган кийимдер көрсөтүлдү.