Орус бийлиги бардык мамлекеттерди Киевден өз дипломаттарын чыгарып кетүүгө чакырды. Мындай чакырыкты эгер украин армиясы 9-майда Москвага сокку урса, сөзсүз жооп кайтарылат деп түшүндүрдү.
Испания Канар аралдарына кооптуу хантавирус катталган MV Hondius саякат кемесин кабыл алууга макул болду. Лайнердин бортундагы үч турист буга чейин вирустан көз жумганы, илдет жайылып жатканы кабарланууда. Илдет кемирүүчүлөрдөн жугат, бирок бул бул жолу адамдан адамга жуккан болушу мүмкүн.
Май айынын башынан бери нөшөрлөгөн жаандан улам өлкөнүн бир катар аймактарында сел жүрүп, айрым аймактарда өзгөчө кырдаал режими жарыяланды. 4-майда өкмөт башчы Адылбек Касымалиев Ош, Жалал-Абад жана Баткен облустарындагы сел жүргөн аймактардагы кырдаалга байланыштуу ыкчам кеңешме өткөрдү.
Өткөн дем алышта беттерин чүмбөттөгөн орусиялык жүздөгөн аскер Малидеги Кидал шаарынан чыгып кетишти. Алар артында курал-жарак, ок-дары сакталган кампаларды, атып түшүрүлгөн тик учагын калтырып кетти. Орус Коргоо министрлигинин жалданма тобу же “Африка корпусунун” келечеги бүдөмүк кала берүүдө.
Кыргызстанда “Азаттыктын” иликтөөчү журналисти, маркум Уланбек Эгизбаев тууралуу “Мафия” аттуу көркөм тасма тартылды. Анда бажыдагы коррупция жана көрүүчүгө тааныш саясий окуялар камтылган.
Өзгөндө асынган абалда табылган 15 жаштагы окуучунун жакындары анын өлүмүнө мектептеги рекетчилик себеп болгонун айтып, ишти акыйкат тергөөнү талап кылууда. Бул арада өлкөдө өспүрүмдөр арасындагы сyuцuд учурлары көбөйүп жатканы айтылып, бул маселе күн тартибине чыкты.
Быйыл 9-майда Жеңиш күнүнө арналган парадга Кызыл аянтка аскердик техника чыкпайт. Орусия Украинага кеңири масштабдагы согуш ачканы биринчи жолу ушундай чечим кабыл алды. Кремль парадга чет өлкөлүк лидерлер келерин маалымдады. Азырынча кимдер экени так белгисиз.
Бишкекте Шанхай Кызматташтык Уюмуна мүчө мамлекеттердин коргоо министрлери чогулду. Саммитке согуштук абалда турган Ирандын генералы келиши талкууга түшүп, Жакынкы Чыгыштагы соңку кырдаалга уюм таасир эте алабы деген суроо коюлду.
Орусиянын Туапсе шаарындагы мунай заводго 28-апрелге караган түнү кайрадан дрон менен сокку урулду. Анын натыйжасында ишканада өрт тутанды. Жабыркагандар жок. Заводго жакын жашагандар коопсуз жакка көчүрүлө баштаганын жергиликтүү бийлик билдирди. Бул заводго апрель айында коюлган үчүнчү чабуул.
Кошмо Штаттардын президенти Дональд Трамп мындан ары Иран менен сүйлөшүүгө делегация жөнөтпөй турганын билдирип, эгер Тегеран сүйлөшүүнү кааласа, телефон аркылуу же түз деле «кайрылса болот» деп айтты.
Дагы жүктөңүз
