Кыргызстан бүгүн эгемендигинин он беш жылдыгын белгилеп жатат. Бишкектеги башкы майрамдык салтанант борбордук Алатоо аянтында өттү. Ага президент Курманбек Бакиев катышып, жалпы калайык калкты көз карандысыздыкка ээ болгон күн менен куттуктады.
Кыргызстандын эгемендик майрамынын алдында Москвада «Азаттыктын» суроолоруна Кыргызстандын Орусиядагы ыйгарым жана атайын элчиси Апас Жумагулов жооп кайтарды.
Бишкектеги “Фаризат” ресторанында эгемендүүлүк күнүнө арналып кыргыз өнөрпоздору менен катар өзбек эстрада ырчыларынын катышуусундагы майрамдык кече өтөт.
Кыргызстан эгемендигинин 15 жылдык мааракеси алдында чыккан кыргыз басылмаларында майрамдык маанай, буга чейин эмнелер жасалып, мындан ары эмнелерди жасоо зарылдыгы тууралуу ойлор, пикирлер, сунуштар арбын жарыяланды.
Бүгүн Бишкекте Кыргызстандын эгемендигинин 15 жылдыгына карата конференция өттү. Анда эгемендик жылдары өлкөдө орун алган саясий, экономикалык, социалдык тармактардагы жетишкендиктер жана кемчиликтер тууралуу сөз болду.
Бул кутум майнапсыз аяктаган менен, азыркыга чейин КМШ аймагында 19-август путчу тууралуу карама-каршы пикирлер жана аңыз кептер айтылып келет.
1991-жылдын 19-августундагы Москвадагы компартия кутумчуларынын бийликти тартып алуу аракети СССРдин кыйрашына өбөлгө түзгөн окуяга айланган.
Жогорку сот бүгүн Аксы окуясы боюнча кайра тергөөнүн зарылдыгы жок деген чечим чыгарды. Соттун мындай чечимине нааразы болгон 10-15 адамдан турган аксылыктардын тобу Өкмөт үйүнө кирүүгө аракет жасашты. Аларды милиция кызматкерлери аскерлердин жардамы менен Өкмөт үйүнүн короосунан сыртка күч менен чыгарып койушту. Азыр Өкмөт үйүнүн алдында отуз чакты адамдан турган топ «Бакиев, сыртка чык, деп кыйкырып турушат. Жогорку сот Аксы окуялары боюнча кылмыш ишти Башкы прокуратуранын жаңы жагдайларга байланыштуу аны кайра тергөө тууралуу сунушунун негизинде карап баштаган эле. Анда бул иште жаңы жагдайлардын бар экени, мурдагы тергөөдө бийликтин жогорку тепкичиндеги жетекчилердин аракеттерине, «Тайфун» жана «Буран» операцияларына укуктук баа берилбегени белгиленген.
Бишкекте бүгүн ырасмий бийлик өкүлдөрү, депутаттар, маданий ишмерлер жана жакын туугандары чогулуп Азамат Алтайды эскерип куран окушту. Азаттык радиосун түптөгөн Азамат Алтай өмүрүнүн 40 жылын ушул радиого арнады. Ал 86 жашында Нью-Йоркто ооруканада жатып каза тапты.
Маркум Азамат Алтайдын төмөндө жайгаштырылган фотосүрөттөрү 1940-2006-жылга чейинки мезгилди ичине камтыйт. Биринчи турган сүрөт Азамат Алтайдын 1940-жылы Советтик Армияда кызмат кыла баштаган алгачкы күндөрүнөн кабар берет. Ал сүрөттө - ортодо. Калган кара-ак түстөгү сүрөттөрдө Азамат Алтай 1950-1980-жылдары кесиптештери, жубайы, достору менен түшкөн экен. Ал эми акыркы түстүү сүрөттөр маркумдун 1995-жылы туулуп-өскөн жери - Ысыккөлгө келген учурунан элестер. Эң акыркы сүрөткө маркум кыргызстандык жаштардын бир тобу менен Нью-Йоркто түшкөнүн маалымдашты. Фотосүрөттөрдү «Азаттыкка» Азамат Алтайдын жээни Тойчубек бергенин эскертебиз. 2005-жылы «Замандаш» журналы коомчулукта жүргүзүлгөн сурамжылоонун жыйынтыгы боюнча Азамат Алтайды «Кыргыздын алыстагы мыкты уулу» деп жарыялаган.
Устатыбыз Азамат Алтай 23-майда узакка созулган оорудан кийин Нью-Йорк шаарындагы ооруканада дүйнөдөн кайтты. Ал «Азаттык» үналгысынын башатында турду жана бүткүл өмүрүн Кыргызстандагы жана Борбордук Азиядагы сөз жана басма сөз эркиндигине, жалпы эле аймактагы демократиялык жараянга арнады.
Ар апта сайын салт түрүндө берилип келе жаткан «Талант тагдыры» аттуу түрмөгүбүздө, кабарчыбыз Балбай Алагушов айтылуу шайырлар Токтогулдун, Коргоолдун устаты, залкар ак таңдай акын Жеңижоктун курдашы улуу комузчу-куудул Ниязаалы Жөргөлөк Борош уулунун өмүрү менен чыгармачылыгынын айрым барактары менен тааныштырат.
Дагы жүктөңүз
