30-ноябрда үч адамды өлтүрүүгө шектүү деп кармалган Рысбек Акматбаев баштаган 9 атуулдун үстүнөн сот жараяны улантылды. Мамлекеттик айыптоочу шек менен кармалган Акматбаев менен 9 атуулду генерал Чыныбек Алиевдин жана дагы эки адамдын өлүмүнө себепкер деген тергөөнүн корутундусун окуп берди. Шектелип жаткандар сотко айыптуу эмес экенин айтышып, тергөө мыйзам бузуулар менен бир тараптуу айыптоо багытында жүргүзүлдү деп эсептешти.
Жаңы окуу жылы Кыргызстандагы мектептердин адам ыйларлык абалын ачыкка чыгарды. Ушу тапта мектептерде мугалимдер жетишпейт, окуу куралдары өп-чап, жарыбаган маянанын көзүн карагандар адистердин башка ишке кетип калуусу жылдан-жылга көбөйүп баратат. Жаңы окуу жылынын алдында кыргызстандыктар эгемендик күнүн майрамдашты. Кыргызстанда мурда демократияболгонбу суроосу ушу тапта кыргыз басылмаларында байма-бай талкууланууда.
31-августта Кыргызстанда эгемендик күнү белгиленди. Бишкектин Алатоо аянтындагы майрамдык салтанатка президент Курманбек Бакиев, премьер-министрдин милдетин аткаруучу Феликс Кулов, өкмөт мүчөлөрү, борбор калаанын тургундары жана меймандары катышты. Өлкөнүн куралдуу күчтөрү, Бишкектеги мамлекеттик мекемелер менен ири ишканалардын эмгек жамааттары параддан өтүштү.
Кыргызстандын эгемендик майрамы алдында чыккан мезгилдүү басылмаларда буга чейин жасалган иштер, мындан аркы аткарылчу милдеттер жайында арбын кеп болот. Мыйзамдык талапка ылайык, президент жаңы өкмөт башчысын парламентке сунушташ керек болчу. Азырынча ал иш жасала элек.
28-апрелдин кечинде Жогорку Кеңештин депутаты Баяман Эркинбаевдин өмүрүнө кол салуу болду. Атылган ок мурдуна тийип, депутат андан катуу жабырланган эмес. Эркинбаев бул ок атууну саясатка байланыштырууда, бирок бул окуяны пиар акция катары карагандар да жок эмес.
Чолпон Орозобекова, Бишкек Айрым байкоочулардын баамында, Кыргызстан мурдагы «демократия аралчасы» деп аталган жүзүн жоготту. Оппозициячыл саясатчылар Кыргызстанда демократиянын илеби калганбы же жокпу алдыдагы парламенттик шайлоо көрсөтөт деп үмүт артышат. Ал эми мамлекет башчы Аскар Акаев 2005- жыл өлкөдөгү демократиялык өнүгүүнү ого бетер бекемдөөнүн жылы болорун жарыя айтып келет.
Кыяс Молдокасымов, Бишкек Кыргызстан адам укугун коргоо кыймылынын төрагасы Турсунбек Акун дайынсыз жоголгондон 15 күндөн кийин белгисиз адамдар тарабынан 1- декабрда кечке жуук саат 18 дин тегерегинде Бишкек шаарындагы 4-ооруканага жеткирилген. Түнкү саат 11 де укук коргоочу Турсунбек Акун жаткан бөлмөдөн бул жерге келген Улуттук коопсуздук кызматынын төрага орун басары Токон Мамытов, жубайы Гүлмира Жапар кызы жана башкалардан «Азаттыкка» кыскача маек алганбыз. Укук коргоочу Турсунбек Акун өзүн 16-ноябрда Улуттук коопсуздук кызматынын 2 кызматкери сүйлөшөбүз деп машинага салып, шаар четиндеги бир үйдүн жертөлөөсүндө кармап турганын айтса, Улуттук коопсуздук кызматынын төрага орун басары, генерал Токон Мамытов бул окуяга коопсуздук кызматынын эч кандай тиешеси жок экендигин билдирген.
Чолпон Орозобекова, Бишкек http://gdb.rferl.org/6BB21C7B-E4A1-41FC-B4CC-6E244D8DFE60_w203.jpg «Арнамыс» партиясынын камакта жаткан лидери Феликс Куловдун үйбүлөсү АКШ өкмөтүнөн саясий башмаанек алышкан. Жубайы Найиля Кулова жана эки кызы Нью Йоркто жашагандарына үч жылдан ашты. «Азаттыкка» телефон аркылуу берген маегинде Наиля айым кыздарынын кусалыгы, өзүнүн көз жашы, Феликс Куловдун тагдыры жана алардын үйбүлөсүндөгү кыргыз тилинин орду өңдүү маселелерге токтолду.
Ушул күндөрү президент Аскар Акаев Америкада жүрөт. Байкоочулардын баамында, адам укугунун сакталышынын жана демократиянын кепилдиги катары кабылданып келген АКШга карата кыргыз коомчулугунда соңку күндөрү мамиле өзгөрө баштады. Ал эми Американын Борбор Азия мамлекеттерине, анын ичинде Кыргызстанга болгон кызыкчылыктары күчөп барат.
Кыргызстанга Чехиянын президенти Вацлав Клаус ырасмий сапар менен келди. Чех президентинин айтымында, буга чейин Чехия Батыш өлкөлөрүнө көбүрөөк басым жасап келсе, эми Борбор Азия мамлекеттери менен да алака түзчү убак келди. Уч күндүк сапар убагында эки өлкө ортосунда машина куруу, текстиль, туризм, тоо-кен тармагында кызматташуу жөнүндө сүйлөшүүлөр жүрөт.
Бишкекте Кыргыз улуттук филармониянын чоң залында эгемендик күнүнө, залкар акын Токтогулдун 140 жылдык мааракесине арналган төкмө ырчылардын республикалык кароо-сынагы болуп өттү.
Айрым адамдар азыркы кыргыз өлкөсүнүн эгемендүүлүгүн күтүлбөгөн кокустук катары баалап келишет. Алардын пикирине ылайык, кыргыз элинде мамлекет жана эгемендик түшүнүгү такыр болгон эмес.
Дагы жүктөңүз