Күлкү кербени

* * *

— Филармониянын алдындагы жер астындагы өткөөлгө эмне чокмороктошуп үйүлүп алышкан?

— Ой, уга элексиңби?

— Эмнени?

— Ал жерде мындан беш жыл мурда ЖОЖдун жасалма дипломун алгандар чогулуп, дипломдорунун беш жылдыгын белгилеп жатышат. Арасында бир-эки жергиликтүү депутат да бар экен. Бүтүрүүчүлөр Баткен, Нарын, Ош, Алматыдан бери келишиптир...

* * *

— Так, та-ак, мырзам! Сиз ичип алып автоунаа айдап келатканыңыз үчүн 17,500 сом жаза төлөшүңүз керек! – деп МАИчи айдоочуга кайрылды.

— Эптеп бир айласын тапсак болобу, таксыр?

— Албетте. Түкүрүктүн жазасын дүмүрчөгү жок тымызын төлөп койсоңуз эле жетишет!..

* * *

— Эмне үчүн сени абакка кесишти? – жаңы келгенден абактагылар сурап калды.

— Жок нерсе үчүн.

— Кантип эле?

— Мына, бийликтегилер “өлкөдө жемкорлук эчак эле түп-тамыры менен жоюлган” деп атышпайбы. Мен ошол эчак жоюлган нерсенин жалаасы менен түшүп калдым...

* * *

— Куттуктайм! Силердин автордук тобуңар Жемкорлукка каршы күрөш комиссиясынын стратегиясын жазуу боюнча тендерди утуп алган турбайбы!

— Рахмат, досум!

— Жашырын сыр болбосо, айтсаң, кантип буга жетиштиңер?

— Эч кимге айтпа! Калем акынын 15 пайызын алдын-ала тендер комиссиясына берүүгө туура келди.

* * *

— Эмен багына курган жаңы тойкананы эмнеге “Көк Бөрү” деп атап салдың,

— Бул паркка жалаң гана спорттук жай курууга уруксат экен...

* * *

— Мындан ары жемкорлуктан алынган акчалар бүт пенсиялык корго түшүп турат экен.

— Ой, анда “чоңдорубуз” көбүрөөк жесе экен деп тилейбиз го.

* * *

(TT)

"Азаттыктын" материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.

* * * * * * *

Урматтуу айымдар жана мырзалар! 31-декабрда саат 23:55те уюкфонду жана интернетиңерди четке койо тургула! Болбосо Доңуз жылы үйүңөргө байкатпастан кирип кетиши мүмкүн!

* * * * * * *

— Вова Путин менен Нуракенин жаңы жылдык каалоолорунун өзөгү эмнеде?

— Окшош эле. Экөө тең: «Мен силер менен кийинки жылы да боло берем, элим! Демек, белди бек бууп, чыдашыңар керек» дешет.

* * * * * * *

Сирия… Орус аскер базасынын четинде нөөмөттө турган жаш жоокер автомат менен тытыратып, анан «Тийди-и!» деп мактана кыйкырып калды.

— Жолдош командир! Мен бизге мүшөк көтөрүп келе жаткан чоң сакалчан ваххабитти атып салдым! Кызыл-тазыл чапан кийип алыптыр!

— Ка-ап, мына ушу сендейлердин азабынан бизге белек алып келе жаткан Аяз атаны ушуну менен экинчи жылы атып салып жатабыз!

* * * * * * *

31-декабрда кечинде тестиер Шоңур ата-энесине келип айтат дейт:

— Келгиле, азыр эле «Доңуз жыл келди! Кана, тортту тезирээк кескиле!» деп чогуу кыйкыралык.

— А эмне үчүн?

— Кошунабыздын баласы Моңур укса, Жаңы жыл Шоңурдукуна эртерээк келген окшойт деп ойлоп калат да!

* * * * * * *

Эрезеге жеткени калган улан же кыз үчүн эң мыкты Жаңы жылдык белек – бул акчалай белек. Анткени ал «мындай белекти мурда эле алгам» деп эч качан капа болбойт да.

* * * * * * *

Жаңы жылдык куттук катты орусча жазганга караганда кыргызча жазуу жеңил. Анткени кыргыз тилинде эркек жана аял деп жыныска бөлүп отурбайсыз! Тек гана башында эркектерге ата, аба, байке, аке, таяке, тага, кайним… деп коюш керек, аялдарга жазганда апа, эже, тайэже, сиңдим, балдызым… дегенди унутпаш керек. Бөлөгө жазсаңыз жынысына бөлбөстөн«бөлөм!» деп эле койосуз. Кандай жеңил!

* * * * * * *

— Жаңы жыл маселеси боюнча силер тиешелүү үй-бүлөлүк чечим кабыл алдыңарбы?

— Ооба. Эл катары бизге деле Жаңы жыл келе берсин деп чечтик.

* * * * * * *

Жаңы жыл босогого жакындаганда небереси Шоңур чыргоолой баштаганда чоң апасы аны капысынан сүйүнттү:

— Билесиңби, сага Аяз ата чоң белек – оюнчук тапанча алып келе жатат! Тартиптүү болсоң, сөзсүз тапшырат.

— И-ий, ырас болбодубу! Эми менде эки тапанча болуп калат турбайбы!

— Каяктан экинчи?.. — дееп чоң энеси таң калды.

— Берки биринчисин сиздин керебеттин алдында жашырып койгон жериңизден жанараак таап алдым да!

* * * * * * *

Жаңы жыл алдында Аяз атанын ролун аткарып үймө-үй кыдырып жаткан эки өнөрпоздун бири кесиптешине кайрылды:

— Досум, менин үй-бүлөмө да башпагып, Жаңы жылы менен куттуктап койчу, байболгур.

— Эмнеге өзүң барбай жатасың?

— Билесиң да, мен мындай тейлөө кызматы үчүн көп сурайт эмесминби!

* * * * * * *

— Атаке, дүйнөдөгү эң чобур кулун кайсы, билесизби?

— Айтчы, кайсы кулун экен, уулум?

— Үч жыл мурда өзүңүз Жаңы жыл алдында мага сатып берем деп убада кылган кулун! Дагы эле бизге жете албай жатат!

* * * * * * *

Жаңы жыл убадасы – бул аткарылбас убада айтуунун куру убарасы.

* * * * * * *

(TT)