Күлкү кербени

* * *

2030-жыл да босогодон кирип келди. Орусиянын пенсиялык корунда кокон тыйын да калбай калгандыгына байланыштуу Д.А.Медведевдин өкмөтү өлкөдө эвтаназияга (өз эрки менен кишини түбөлүккө уктатууга) уруксат берүү тууралуу буйрук чыгарды.

* * * * * * *

— Менин бир кызыктуу кабарым бар: Медведев эми "Твиттерде" жаңы блог ачыптыр.

— Эмнеге? Анын эмне кереги бар? Ансыз да Интернетте анын расмий барагы бар эмеспи!

— Уксаң мени... Расмий баракта ал шаанилүү түрдө минтип жазат: “Төлөнчөнү сентябрда Орусиянын өкмөт башчысы Жапонияга учуп келип, Азия-Тынч океан экономикалык кызматташтыгынын саммитине катышты”. "Твиттердеги" жекече блогунда болсо минтип кыскача жазат: “Өлө күлкүлүү окуялар болду!”

* * * * * * *

— Дима, пенсия жашын узартуу аркылуу үнөмдөлгөн акчаны кантип коротсок?..

— Владимир Владимирович, мен чет өлкөдө курулуп жаткан мыкты яхтанын дайынын билдим...

* * * * * * *

— Сиз билсеңиз керек, ырчы Николай Расторгуев — Путин жактырган эң мыкты аткаруучу!

— Опе-ей, мен болсо Медведевди Путин жактырган мыкты аткаруучу деп ойлоп жүргөн турбаймынбы!

* * * * * * *

(Ар кыл интернеттик булактардан).

(TT)

"Азаттыктын" материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.

* * *

- Чоң апа, мени алдап койгон турбайсызбы! — алгачкы жолу мектеп партасын аттаган небереси чоң энесине кайрылды.

— Кантип алдаптырмын, жарыгым?

— Сиз окуу төрт эле саат болот дебедиңиз беле. Көрсө, дагы он бир жыл окуйт турбаймынбы!

* * * * * * *

— Апа, сиз жоолук салынып алсаң “беш” аласың дебедиңиз беле?

— Ооба, ошентесиң, кызым!

— А мен бүгүн эксперимент кылдым. Жоолукту сумкага чечип салып алдым эле, математика сабагынан эсепти баарынан мурда чыгарып, “беш” алдым!..

* * * * * * *

— Ата, бүгүн бизде кызыктуу окуя болду!

— И-и, айтсаң.

— Биздин мектептин эки кабаттуу жаңы имаратка көчкөнүнө байланыштуу, берки бир кабат эски имаратты кулатуу үчүн килейген барсканы бар чоң машинени алып келишти...

— Анан...

— Анан ал барскан менен эски имаратты күүлөнтүп келип урушту эле, эски имарат солк этпей койду. А жаңы мектеп болсо барскандын эпкининен өзүнөн өзү кулап түштү!.

* * * * * * *

Жаш мугалим тажрыйбалууга кайрылды:

— Бүгүн баары тең мени жаңы окуу жылы менен куттукташты!..

— Бул жакшы да...

— А балким, алар мага көңүл айтып жатышкандыр?..

* * * * * * *

Он биринчи класстагы окууга көөнү чаппаган кыз классташтарына кыялдана сүйлөдү:

— Ой, ушу эскичил динчилдер бийликке келсе жакшы болот эле, деги?

— Анчалык эмне болуп кетти?

— Алар бийликке келсе, мен 15 жаштан эле бай күйөөгө тиймекмин, минтип астрономия менен тригонометрияны кучактабай...

— Картаң бирөөгө токол болгуча, ушуларды кучакта! — деп ага курбусу каршы чыкты.

* * * * * * *

(Ар кыл интернеттик булактардан).

TT

"Азаттыктын" материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.