Күлкү кербени

* * * * * * *

Небереси келип, чоң атасынан сурады:

— “Чоң ата, эмнеге бардык эле жомоктор “Илгери-илгери бир айкөл падыша болуптур...” деп башталат?

— Ооба, илгерки жомоктор ошентип башталчу. Азыркысы минтип башталат: “Урматтуу шайлоочулар! Эгерде мен президентиңер болуп шайланып калчу болсом...”

* * * * * * *

Шайлоо алдында талапкердин пиарчылары түзгөн мүнөздөмөнү анын аялы үн чыгарып окуй кетти:

— “...Үй-бүлөсүнө карамдуу. Жубайынын сөзүнө да маани берет. Кайненесин өзгөчө урматтайт. Спорт менен өзгөчө жакын. Спирттүү ичимдиктерди анчейин жактыра бербейт. Чылымды аргасыздан гана чегет...”

Билесиңби, бул саптарды окуп жатып мен дагы сага добуш бергим келип кетти!..

* * * * * * *

(TT)

* * *

2030-жыл да босогодон кирип келди. Орусиянын пенсиялык корунда кокон тыйын да калбай калгандыгына байланыштуу Д.А.Медведевдин өкмөтү өлкөдө эвтаназияга (өз эрки менен кишини түбөлүккө уктатууга) уруксат берүү тууралуу буйрук чыгарды.

* * * * * * *

— Менин бир кызыктуу кабарым бар: Медведев эми "Твиттерде" жаңы блог ачыптыр.

— Эмнеге? Анын эмне кереги бар? Ансыз да Интернетте анын расмий барагы бар эмеспи!

— Уксаң мени... Расмий баракта ал шаанилүү түрдө минтип жазат: “Төлөнчөнү сентябрда Орусиянын өкмөт башчысы Жапонияга учуп келип, Азия-Тынч океан экономикалык кызматташтыгынын саммитине катышты”. "Твиттердеги" жекече блогунда болсо минтип кыскача жазат: “Өлө күлкүлүү окуялар болду!”

* * * * * * *

— Дима, пенсия жашын узартуу аркылуу үнөмдөлгөн акчаны кантип коротсок?..

— Владимир Владимирович, мен чет өлкөдө курулуп жаткан мыкты яхтанын дайынын билдим...

* * * * * * *

— Сиз билсеңиз керек, ырчы Николай Расторгуев — Путин жактырган эң мыкты аткаруучу!

— Опе-ей, мен болсо Медведевди Путин жактырган мыкты аткаруучу деп ойлоп жүргөн турбаймынбы!

* * * * * * *

(Ар кыл интернеттик булактардан).

(TT)

"Азаттыктын" материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.